Izaías
15 Kel-li é un mensajen kóntra Moabe:
Dja ki el distruídu na un noti sô,
Ar di Moabe podu ta fika kaladu.
Dja ki el distruídu na un noti sô,
Kir di Moabe podu ta fika kaladu.
Moabe sta lamenta pamodi Nebu i pamodi Medeba.
Tudu kes kabésa sta rapadu, tudu barba sta kortadu.
3 Na ses rua es bisti panu di saku.*
Na ses terasu i na ses prasa es tudu sta lamenta,
Es ta dixi ta txora.
4 Esbon i Eleale sta grita,
Ses vós sta ta obidu ti Jas.
Pur isu ki kes ómi di Moabe ki sta armadu sta ta grita.
El* sta ta treme.
5 Nha korason sta grita pamodi Moabe.
Kes algen ki fuji di la bai ti Zoar i Eglate-Selisia.
Es ta subi ladera di Luíte ta txora,
Na kaminhu pa Oronain es ta grita pamodi kel disgrasa.
6 Pamodi kes agu di Ninrin dja seka tudu,
Kes padja verdi dja seka,
Érva dja kaba i ka resta nada verdi.
7 É pur isu ki es sta ta leba kes réstu di ses kumida i di ses rikéza,
8 Kel gritu ta ben obidu na tiritóriu interu di Moabe.
Kel txoru ta ben txiga ti Eglain,
Kel txoru ta ben txiga ti Bier-Elim.
9 Pamodi kes agu di Dimon sta xeiu di sangi,
I N tene más kuza guardadu pa Dimon:
Un lion pa kes ki fuji di Moabe
I pa kes ki inda sta na se téra.