Алыхьымрэ Хьисэрэ я фІыгъэкІэ дэ щхьэхуит дыхъужынущ!

Сыт хуэдэ Іуэхугъуэхэм уи гъащІэр нэхъ гугъу ящІрэ? Уэ унагъуэм и нэхъыжьу ущытмэ, къалэн куэд уи пщэ дэлъу къыщІэкІынщ. Хьэмэрэ уэ уи закъуэу сабий ппІыуэ щытмэ, гугъу уехьу къыщІэкІынщ уи унагъуэр зыхуей хуэбгъэзэн щхьэкІэ. Е уэ школым ущеджэмэ, уи классэгъухэр къыпщыдыхьэшхыу, ауан уащІу щыт? Хьэмэрэ уэ уи ныбжьыр зэрыхэкІуатэм щхьэкІэ уи узыншагъэм уигъэпІейтейуэ пІэрэ? Гугъуехь гуэр зимыІэ цІыху дунейм теткъым. Иныкъуэхэм деж Иеговэ и лэжьакІуэ куэдыр гугъуехь зэмылІэужьыгъуэхэм зэуэ пэщІохуэ. Ауэ дэ дощІэ ди гугъуехьхэм куэд мыщІэу кІэ къазэрыхуэкІуэнур (2Кр 4:16—18).

Дэ дызыпэщІэхуэ гугъуехьхэр Иеговэ зэрилъагъум икІи дэ дгъэлъагъуэ теубыдагъэмрэ пэжагъымрэ абы лъапІэу зэрилъытэм ди гум гупсэхугъуэ кърелъхьэ икІи дэ дощІэ дызыгъэгуфІэн тыгъэ куэд Иеговэ тхуигъэхьэзырауэ зэрыщытыр (Иер 29:11, 12). Хьиси дэри гулъытэшхуэ къытхуещІ. Иеговэ и лэжьыгъэр дгъэзэщІэфын щхьэкІэ ар къыддэІэпыкъуну дыкъигъэгугъащ. Абы езым жиІащ: «Сыт щыгъуи сывигъусэнущ сэ» (Мт 28:20). Алыхьым и Пащтыхьыгъуэм къытхуихьыну щхьэхуитыныгъэм дыщегупсысым деж дэ ди гугъапІэр нэхъ быдэ мэхъу икІи сыт хуэдэ гъэунэхуапІэми пэжагъыр тхъумэну тегушхуэныгъэ диІэщ (Рм 8:19—21).

«БОРЭНЫР КЪЫЩЫБЛАГЪЭМ ДЕЖ ФИ НЭР ХЬИСЭ ТЕВГЪЭТ! ПАЩТЫХЬЫГЪУЭМ КЪЫТХУИХЬЫНУ ФІЫГЪУЭХЭР» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• ЦІыхухэр дауэ «Тхьэм... къарит гъащІэм пэжыжьэ» зэрыхъуар икІи сыт абы къыпэкІуар?

• Иеговэ хуэпэж цІыхухэм сыт хуэдэ гъащІэ къапэщылъыр?

• Апхуэдэ гъащІэ дахэ дызэриІэфынур хэт зи фІыщІэр?

• ДунеищІэм щыІэну сыт хуэдэ фІыгъуэхэра уэ нэхъ узыпэплъэр?