Библием ит хъыбархэр фи нэгу къыщІэвгъэхьэ

Пэжу къэхъуа, дерс куэд зыхэт Іуэхугъуэхэм Библиер топсэлъыхь. Ахэр дэ ди нэгу къыщІэдгъэхьэмэ, дызэджэр нэхъыфІу къыдгурыІуэнущ икІи куэдым зыхуедгъэсэфынущ. АбыкІэ къыддэІэпыкъуну чэнджэщ зыбжанэм адэкІэ и гугъу тщІынщ.

• МакъкІэ феджэ. Библием макъкІэ ущеджэм деж, абы къыщекІуэкІым ухэтым хуэдэщ. Библием фи унагъуэм и гъусэу феджэмэ, персонаж зырыз зыхуэвгуэши феджэ. Апхуэдэу Библием фызэреджэр нэхъ гъэщІэгъуэну екІуэкІынущ.

• Фызэджар фи нэгу къыщІэвгъэхьэ. ЦІыху гуэрым теухуауэ уеджэмэ, ар сытым егупсысами икІи сыт хуэдэ гурыщІэхэр абы иІами къыбгурыІуэну хущІэкъу. Псалъэм папщІэ, мыпхуэдэ упщІэхэр зэтыж: «Абы апхуэдэу щІищІар е щІыжиІар сыт? Абы и пІэ ситамэ, сытым сегупсысынут икІи сыт хуэдэ гурыщІэхэр сиІэнут?»

• Фызэджэр сурэт фщІы. Уэ апхуэдуи сурэт пхуэмыщІми, зэрыпхузэфІэкІым хуэдэу пщІымэ, ар къыбдэІэпыкъунущ Библием ит хъыбархэр уи нэгу къыщІэбгъэхьэну икІи ахэр уи гум къинэну.