«ЦІыхухэм фетэмэ, Тхьэри фэ къывэтэнущ»

Хьисэ жиІащ, цІыху хьэлэлым нэгъуэщІхэри зэрыхуигъэушыфынур хьэлэлагъ ягъэлъэгъуэну (Лк 6:38). Дэ сытым дежи нэгъуэщІхэм фІы яхуэтщІэмэ, абы ди къуэш, ди шыпхъухэр хуигъэушынущ гуапагърэ хьэлэлагърэ ягъэлъэгъуэну.

Уи гум къыбгъэдэкІыу хьэлэлу ущытыныр — ар Алыхьым дызэрыхуэлажьэм хохьэ. ДэІэпыкъуэгъу хуэныкъуэхэм щІэгъэкъуэн дащыхуэхъум деж абы Иеговэ сытым дежи гу лъетэ. Апхуэдэ цІыхухэм фІыгъуэ зэрыхуищІэжынумкІэ Алыхьым дыкъегъэгугъэ (Пр 19:17).

«ХЬЭЛЭЛАГЪ ЗЭРЫВГЪЭЛЪАГЪУЭМ ЩХЬЭКІЭ ФІЫЩІЭ ФХУДОЩІ» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:

• Къуэш, шыпхъухэм ядэІэпыкъун щхьэкІэ арэзыуэ тты ахъшэр дапхуэдэу къызэрагъэсэбэпыр?

• Дэ ттыфынур мащІэ дыдэу щытми, адэкІи арэзыуэ тыгъэ тщІымэ щІэнэхъыфІыр сыт? (Абы нэмыщІ «Избыток восполняет недостаток» жыхуиІэ статьям jw.org сайтым фыщеплъ.)