Щапхъэхэр къэхь

ЦІыхухэм я деж етІуанэу щытедгъэзэжым е я гъусэу Библиер щыдджым деж абыхэм гупсысэ нэхъыщхьэхэр къагурыІуэну дадэІэпыкъун хуейщ. Щапхъэхэр къэдгъэсэбэпмэ, цІыхухэм я гум дынэсыфынущ икІи темэ зэпкърытхар я гум нэхъ ираубыдэфынущ.

Зыщыбгъэхьэзырым деж гупсысэ нэхъыщхьэхэр къыхэгъэщ абы епхауэ щапхъэ къэпхьыфын щхьэкІэ. ИужькІэ гугъуу щымыт икІи цІыхухэм фІыуэ зыхащІыкІ Іуэхухэм тегъэщІа щапхъэхэр гъэхьэзыр (Мт 5:14—16; Мк 2:21; Лк 14:7—11). Щапхъэ къыщыхэпхым деж зыщомыгъэгъупщэ цІыхур къызыхэкІар, зыщІапІыкІар икІи илэжь Іуэхур (Лк 5:2—11; Ин 4:7—15). Библием ит гупсысэр цІыхум къызэрыгурыІуам щхьэкІэ иІэ гуфІэгъуэр щыплъагъум деж уэри абы гуфІэгъуэшхуэ къыпхуихьынущ!

«ХЬИСЭ И ГЪЭСЭНХЭР ЗЭРЫДГЪЭХЬЭЗЫРЫМ ГУФІЭГЪУЭ КЪЫТХУЕХЬ. ХЪЫБАРЫФІЫР ЗЭРЫДГЪЭІУР ИДОГЪЭФІАКІУЭ: ЩАПХЪЭХЭР КЪЭФХЬ» ЖЫХУИІЭ ВИДЕОРОЛИКЫМ ЕПЛЪИ, МЫ УПЩІЭХЭМ ЖЭУАП ЕТ:

• 

  Едгъаджэ цІыхухэм Библием ит едзыгъуэхэр къагурыІуэну сытым дежи щІэмытыншыр сыт?

• 

  Нитэ сыт хуэдэ щапхъэ къихьа Рим 5:12 ит псалъэхэр Джейд къыгуригъэІуэн щхьэкІэ?

• 

  ФІыуэ къыхэха щапхъэр цІыхум дауэ зэрыдэІэпыкъур?

• ХъыбарыфІ гъэІуным щхьэкІэ Иеговэ и организацэм къыдигъэкІ видеороликхэмрэ нэгъуэщІ Іэмэпсымэхэмрэ къэдгъэсэбэпыным мыхьэнэшхуэ щІиІэр сыт?