ЦІыху псоми хъыбарыфІымкІэ дадогуашэ

Израил лъэпкъыр зэгъэпэщауэ зэрыщытам хуэдэу ноби Иеговэ и лэжьакІуэхэр зэгъэпэщауэ щытщ абы и мурадыр ягъэзэщІэн щхьэкІэ. ФилиалкІэ, районкІэ, зэхуэскІэ, абы нэмыщІ гуп-гупурэ дыщІэгуэшар Пащтыхьыгъуэм теухуа хъыбарыфІыр нэхъыфІу дгъэІун щхьэкІэщ. Дэ а хъыбарыфІыр псоми ялъэдгъэІэсыну дыхэтщ, нэгъуэщІыбзэкІэ псалъэхэри абыхэм яхэту (Апок 14:6, 7).

Уэ зэгуэр уегупсысауэ пІэрэ цІыху нэхъыбэм хъыбарыфІымкІэ уадэгуэшэн щхьэкІэ нэгъуэщІыбзэ зэбгъэщІэну? НэгъуэщІыбзэ зэбгъэщІэну зэман уимыІэми, JW Language жыхуиІэ приложениер къэбгъэсэбэпу уэ псалъэуха зыбжанэ зэбгъэщІэфынущ. А псалъэухахэр хъыбарыфІыр щыбгъэІукІэ къэбгъэсэбэпыну ухущІэкъумэ, уэ гуфІэгъуэ зыхэпщІэнущ. Апхуэдэ гуфІэгъуэ япэ лІэщІыгъуэм псэуа Хьисэ и лъэужь ирикІуэхэм зыхащІащ нэгъуэщІ лъэпкъхэм щыщ цІыхухэм я бзэхэмкІэ «Тхьэм илэжьа Іуэхушхуэхэм я хъыбарыр» щыхуаІуэтам щыгъуэ (Апост 2:7—11).

«ПРОПОВЕДУЙ ИНОСТРАНЦАМ» ЖЫХУИІЭ МУЛЬТФИЛЬМЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  JW Language жыхуиІэ приложениер сыт хуэдэ Іуэхугъуэхэм деж уэ къыбдэІэпыкъуфыну?

• 

  А приложениер къызэрыбгъэсэбэп хъуну щІыкІэр жыІэ.

• 

  Фи щІыпІэм щыпсэу цІыхухэр сыт хуэдэ бзэхэмкІэ зэрыпсалъэр?

• Сыт пщІэ хъунур Пащтыхьыгъуэм теухуа хъыбарыфІыр нэгъуэщІыбзэкІэ псалъэ цІыхум и фІэгъэщІэгъуэн хъуамэ? (od-​U 100—101, абз. 39—41).