АЛЫХЬЫМ И ПСАЛЪЭМ ИТ ХЪУГЪУЭФІЫГЪУЭХЭР | МАТТЭ 25
«Фымыжейуэ фысакъ»
ХъыджэбзипщІым теухуауэ Хьисэ жиІа ущие хъыбарыр зыхуэгъэзар уафэм кІуэну гугъэ зиІэхэрами, абы Алыхьым хуэлажьэ дэтхэнэ зыми Іущагъ куэд къыхихыфынущ (bw556-U 12—16). «Фымыжейуэ фысакъ... махуэри сыхьэтри фщІэркъыми» — жиІащ Хьисэ (Мт 25:13). Мы ущие хъыбарыр нэгъуэщІ гуэрым къыгурыбгъэІуэфыну?
Щауэр (едз. 1): Хьисэщ.
Хъыджэбз Іущхэр (едз. 2): Алыхьым и лэжьыгъэр пэжагъ яхэлъу зыгъэзэщІэну хьэзыру щыт уафэм кІуэну гугъэ зиІэхэращ; ахэр вагъуэхэм хуэдэу мы дунейм и кІэм нэс цІыхухэм къахэлыдыкІынущ (Фп 2:16).
Макъ къэІуащ: «Щауэр къокІуэ!» (едз. 6): Хьисэ къызэрыкІуэм щыхьэт техъуэ Іуэхугъуэхэр.
Іущагъ зыхэмылъа хъыджэбзхэр (едз. 8): Щауэм пежьэу иужькІэ пэжагъыр зымыхъумэжа уафэм кІуэну гугъэ зиІахэращ.
Хъыджэбз Іущхэм ядэкъым дагъэмкІэ адрейхэм дэгуэшэну (едз. 9): пэжагъыр зыхъума уафэм кІуэну гугъэ зиІэхэм иужьрей мыхъурыр трагъэуа иужь, ахэр пэжагъыр зымыхъумахэм дэІэпыкъужыфынукъым.
«Щауэр къэсащ» (едз. 10): гузэвэгъуэшхуэм и кІэр къэсыным куэд имыІэжу Хьисэ къэкІуэнущ хьэкум ищІыну.
Щауэм хъыджэбз Іущхэр зэщІигъури, джэгу щащІ унэм щІыхьащ, бжэри къагъэбыдэжащ (едз. 10): пэжагъыр зыхъума уафэм кІуэну гугъэ зиІэхэр Хьисэ уафэм щызэхуешэс, пэжагъыр зымыхъумахэм я тыгъэр яфІокІуэд.