ХъыбарыфІыр нэхъыфІу дгъэІуу зыдогъасэ. Библием теухуауэ нэхъыбэ къэзыщІэну хуейхэр ди зэІущІэхэм къекІуэлІэну хуэгъэуш

АБЫ МЫХЬЭНЭШХУЭ ЩІИІЭР: Ди зэІущІэхэм Иеговэ теухуауэ уэрэд щыжыдоІэ икІи Алыхьыр щыдогъэлъапІэ (Пс 149:1). Абы нэмыщІ ди зэІущІэхэм зыщыдогъасэ Иеговэ и мурадыр дгъэзащІэу дыпсэуну (Пс 143:10). Библиер зыджхэмрэ пэжыр къэзыщІэну хуейхэмрэ ди зэІущІэхэм къекІуалІэу щІадзэмэ нэхъ щІэхыу Алыхьым гъунэгъу хуэхъунущ.

АР ЗЭРЫПЩІ ХЪУНЫР:

• ЦІыхум Библиер иджын щІидзэху уемыжьэу, зэІущІэм нэхъ щІэх къызэребгъэблэгъэным иужь ит (Апок 22:17)

• 

  ЗэІущІэр зэрекІуэкІыр къыгурыгъаІуэ икІи къыкІэлъыкІуэ зэІущІэм щызэпкърахыным хутепсэлъыхь. АбыкІэ уэ къыбдэІэпыкъунущ зэхуэсхэм къызэредгъэблагъэ тхылъымпІэр, «Сыт къыщекІуэкІыр Иеговэ и Щыхьэтхэр щызэхуэс Унэм?» видеороликыр икІи «Воля Иеговы» брошюрэм и 5-нэ, 7-нэ урокхэр

• 

  УдэІэпыкъуну узэрыхьэзырыр жеІэ. Библие зыджыр зэІущІэр щекІуэкІ щІыпІэм къэкІуэфын папщІэ е щыгъын къезэгъ къыхихын щхьэкІэ дэІэпыкъуэгъу хуейуэ къыщІэкІынщ. ЗэІущІэм абы и гъусэу тІыси зэпкърытх публикациехэм кІэлъыгъэплъ. Зэхуэсым щыщ адрей цІыхухэр егъэцІыху