5-НЕ ІЫХЬЭ
Дунейпсо псыдзэр. Хэт Алыхьым жиІэм едэІуар?
Нухь щыпсэуа зэманым цІыхум и нэхъыбэр бзаджащІэт. 1 Мусэ 6:5
Іэдэмрэ Хьэуарэ сэбий яІэ хъуащ, апхуэдэурэ дунейм цІыхур тез хъуащ. Зы зэман дэкІа нэужь, мелыІычхэм языныкъуэхэр ШейтІаным и лъэныкъуэ хъуащ.
Ахэр щІым къехри цІыху Іэпкълъэпкъ къащтащ, цІыхубзхэр къашэн щхьэкІэ. А цІыхубзхэм къалъхуа сэбийхэр иныжь хъут, ахэр егъэлеяуэ къарут икІи леишхуэ зэрахьэт.
Дунейм цІыху Іейр тез хъуащ. Тхыгъэ ЛъапІэм зэрыжиІэмкІэ цІыхухэр гуэныхьым зэщІиубыдат, я гум Іей фІэкІа имылъу къэнат.
Нухь Алыхьым едаІуэри кхъухьышхуэр ищІащ. 1 Мусэ 6:13, 14, 18, 19, 22; Еврей 11:7
Нухь цІыхуфІу щытащ. Иеговэ Нухь жриІащ цІыху Іейхэр псыдзэкІэ игъэкІуэдыжыну мурад зэриІэр.
Абы нэмыщІ Алыхьым Нухь унафэ хуищІащ кхъухьышхуэ ищІу и унагъуэмрэ псэущхьэхэмрэ иригъэтІысхьэну.
Нухь цІыхухэм яжриІэт псыдзэр куэд мыщІэу къызэрыкІуэнур, ауэ ахэр абы едаІуэтэкъым. Иныкъуэхэр абы щыдыхьэшхт, адрейхэм ялъагъу хъутэкъым.
Кхъухьыр хьэзыр щыхъуам, Нухь абы псэущхьэхэр иришащ.