4-НЕ ІЫХЬЭ

Ахэр ШейтІаным едэІуащ. Сыт абы кърикІуар?

Іэдэмрэ Хьэуарэ Алыхьым едэІуакъым, абы щхьэкІэ ахэр лІащ. 1 Мусэ 3:6, 23

Иеговэ зэмыІусэну къажриІа жыгым пыт пхъэщхьэмыщхьэм щыщ Хьэуа ишхащ, Іэдэми иритри, абыи ишхащ

Хьэуа блэм едаІуэри жыгым пытым щыщ ишхащ. ИтІанэ Іэдэм иритри Іэдэми ишхащ.

Абы ящІар тэмэмтэкъым — ар гуэныхьт. Алыхьым ахэр жэнэтым кърихуащ.

ГъащІэр гугъу хъуат абыхэм дежкІи я бынхэм дежкІи. Ахэр жьы хъури лІащ. Іэдэмрэ Хьэуарэ нэгъуэщІ дуней кІуатэкъым, ахэр щымыІэжыххэу арат.

ЯтІэм гъащІэ зэрыхэмылъым хуэдэу, лІахэм гъащІэ яІэжкъым. 1 Мусэ 3:19

ЛІэщІыгъуэ, культурэ зэмылІэужьыгъуэхэм щыщ цІыхухэр

ЦІыху псори щІэлІэр Іэдэмрэ Хьэуарэ къызэрытехъукІыжам щхьэкІэщ. ЛІахэм зыри ялъагъукъым, зэхахкъым икІи зыри ящІэфкъым, ахэр цІыху жейм ебгъэщхь хъунущ (Иуан 11:11—13).

Хъыджэбз цІыкІур лІауэ, ар и унагъуэм ягъей

Иеговэ хуеякъым цІыхухэр лІэну. Мыгувэу лІахэр абы къигъэтэджыжынущ. Ахэр Иеговэ едаІуэмэ игъащІэкІэ псэуфынущ.