Дунейпсо псыдзэр. Сыт хуэдэ дерс абы къыхэтхыр?

Алыхьым цІыху Іейхэр игъэкІуэдащ, ауэ Нухьрэ абы и унагъуэмрэ къригъэлащ. 2 Петр 2:5, 6

Махуэ плІыщІкІэ мыувыІэу уэшхыр къешхри щІыр зэрыщыту щІихъумащ.

ЦІыху Іейхэр псори хэкІуэдащ. Алыхьым пэщІэува мелыІычхэм къащта Іэпкълъэпкъхэр къагъанэри жин бзаджэ хъуащ.

Кхъухьым исахэр псэууэ къэнащ. Зэман дэкІа нэужь Нухьрэ абы и унагъуэмрэ лІэжа щхьэкІэ, Алыхьым ахэр игъащІэкІэ псэуну къигъэтэджыжынущ.

Алыхьым аргуэру цІыху Іейхэр игъэкІуэдынурэ цІыхуфІхэр къригъэлынущ. Матфей 24:37—39

Нобэ къыздэсым ШейтІанымрэ жин бзаджэхэмрэ цІыхухэр къагъапцІэ.

Нухь и зэманым хуэдэу, ноби цІыху куэд Алыхьым едаІуэкъым. Мыгувэу Иеговэ цІыху Іейхэр псори игъэкІуэдынущ (Лука 17:26, 27).

Нухь ещхь цІыхухэр щыІэщ. Ахэр Алыхьым жиІэм йодаІуэ. А цІыхухэр — Иеговэ и Щыхьэтхэращ.