ЧэнджэщыфІхэр. Ди тхыгъэхэр зэрыбдж хъуну щІыкІэхэр

«ТхьэщІыхь уэрэдхэр» гукІэ зэвгъащІэ

«Сэ зыри сримыщІыс хуэдэу гурыщІэ сыщиІэ къысхуохуэ. Апхуэдэ зэманхэм деж JW Broadcasting^® программэм хэт уэрэдхэмкІэ Иеговэ сегъэгушхуэ» (Лоррейн, США).

«ТхьэщІыхь уэрэдхэр» сыт щыгъуи Алыхьым дызэрыхуэлажьэм хыхьэу щытащ (Кол. 3:16). А уэрэдхэр гукІэ зэбгъащІэу щытмэ, ахэр къыбдэІэпыкъунущ, уэрэдылъи электроннэ Іэмэпсыми умыІыгъми. Уэрэдхэр гукІэ зэбгъэщІэн щхьэкІэ къыкІэлъыкІуэ чэнджэщхэр къэгъэсэбэп.

• Уэрэдым хэт псалъэхэм еджи абы и мыхьэнэр зыгурыгъаІуэ. Зыгуэр къыщыдгурыІуэм деж ар гукІэ зэдгъэщІэну ди дежкІэ нэхъ тыншщ. Дэ ди уэрэдхэр псори, сабийхэм щхьэкІэ ятхахэри, JW Broadcasting^® программэм хэтхэри jw.org сайтым илъщ. Ахэр къэбгъуэтын щхьэкІэ «Библиотекэ» вкладкэм ихьи, «Музыкэ» вкладкэр къызэІух.

• Уэрэдым и псалъэхэр ІэкІэ къитхыкІ. Апхуэдэу ахэр уи гум нэхъ къинэнущ (Втор. 17:18).

• Уэрэдым макъкІэ еджэ. Уэрэдым зыбжанэрэ еджэ е ар жыІэ.

• Уэрэдыр уигу зэрибубыдэфам еплъ. Псалъэхэм уемыплъу уэрэдыр зэрыпхужыІэм еплъ.