Мы дунейм и иужьрей махуэхэм Иеговэ хуэпэжу щыт

АБЫ МЫХЬЭНЭШХУЭ ЩІИІЭР: Куэд мыщІэу Іуэхугъуэ телъыджэхэр къэхъунущ. А зэманым дэ псом хуэмыдэу Иеговэ дзыхь хуэтщІын икІи лІыгъэ дгъэлъэгъуэн хуей хъунущ. Дин нэпцІыр зэрагъэкІуэдынумкІэ гузэвэгъуэшхуэр щІидзэнущ (Мт 24:21; Апок 17:16, 17). А зэман гугъум дэ Иеговэ и хьэкумым теухуа хъыбар шынагъуэр дгъэІуну къыщІэкІынущ (Апок 16:21). Дэ Магог щІыналъэм щыщ Гогыр къыттеуэнущ (Иез 38:10—12, 14—16). Ауэ Иеговэ и лъэпкъыр къихъумэнущ икІи Армагеддон зауэмкІэ ахэр къригъэлынущ (Апок 16:14, 16). А Іуэхугъуэхэр къыщыхъукІэ лІыгъэ тхэлъын щхьэкІэ, дэ иджыпсту щыщІэдзауэ диІэ гугъуехьхэм емылъытауэ Иеговэ хуэпэжу дыщытын хуейщ.

АР ЗЭРЫПЩІ ХЪУНЫР:

• Иеговэ и хабзэхэм быдэу тет (Иса 5:20).

• Къуэш, шыпхъухэм я гъусэу адэкІи Иеговэ хуэлажьэ (Евр 10:24, 25).

• Иеговэ и организацэм ищІ унафэхэр занщІэу гъэзащІэ (Евр 13:17).

• Япэм щыгъуэ Иеговэ и лэжьакІуэхэр къызэрыригъэлу щытам егупсыс (2Пт 2:9).

• Иеговэ тхьэлъэІукІэ зыхуэгъазэ икІи сыт хуэдэ лъэныкъуэкІи абы дзыхь хуэщІ (Пс 112:7, 8).

«КЪЭКІУЭНУ ЗЭМАНЫМ ЛІЫГЪЭ ДЫЩЫХУЭНЫКЪУЭНУ ІУЭХУГЪУЭХЭР» ЖЫХУИІЭ ВИДЕОРОЛИКЫМ И ЗЫ ІЫХЬЭ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  НэгъуэщІ зэхуэсым кІуэну къуэш, шыпхъухэм щыжраІам абыхэм жыІэдаІуэныгъэ ягъэлъэгъуэну щІафІэмытыншар сыт?

• 

  ЛІыгъэмрэ жыІэдаІуэныгъэмрэ дауэ зэрызэпхар?

• 

  Армагеддон зауэм деж дэ лІыгъэ щІэдгъэлъэгъуэн хуейр сыт?

• 

  Иеговэ и лэжьакІуэхэр къызэрыригъэлыфынум Библием щыщ сыт хуэдэ пычыгъуэ щыхьэт техъуэр? (2Лт 20:1—24).