Теубыдагъэ уиІэу пэплъэ

Алыхьым и Пащтыхьыгъуэр къэсыным куэд щІауэ уежьэрэ? Уэ уи гъащІэм гугъуехь куэд ущрихьэлІэу къыщІэкІынущ икІи абы къыхэкІкІэ теубыдагъэ пхэлъын хуейщ (Рм 8:25, ДЩІ). Языныкъуэ Алыхьым и лэжьакІуэхэр щалъагъу мыхъуи, лей къыщытрагъэхьи, тутнакъхэм щырадзи икІи я гъащІэр яфІэкІуэдыну шынагъэ щыщыІи къохъу. Абы нэмыщІ куэдым уз гъэтІылъа зэраІэм е я ныбжьыр зэрыхэкІуэтам къыхэкІыу гугъуехь яшэч.

Ди гугъуехьхэм емылъытауэ гуфІэгъуэ диІэу дунеищІэм дыпэплъэну сыт дэ къыддэІэпыкъунур? Дэ махуэ къэс Библием деджэн икІи дызэджам куууэ дегупсысын хуейщ ди фІэщхъуныгъэр нэхъ быдэ тщІын щхьэкІэ. Ди гугъапІэр сыт щыгъуи ди гум идгъэлъын хуейщ (2Кр 4:16—18; Евр 12:2). Иеговэ тхьэлъэІукІэ зыхуэдгъэзэным икІи и къару лъапІэр къыдитыну делъэІуным мыхьэнэшхуэ иІэщ (Лк 11:10, 13; Евр 5:7). Ди Адэ лъапІэ Иеговэ къару къыдитынущ гуфІэгъуэ диІэу, шыІэныгъэ дгъэлъэгъуэну икІи и кІэм нэс хуэпэжу дыкъэнэну (Кл 1:11; Екъуб 1:2, 3).

«ДЭ „ТЕУБЫДАГЪЭ ДИІЭУ“ ДЫЖЭН ХУЕЙЩ. ФИ ТЫГЪЭР КЪЫЗЭРЫФЛЪЫСЫНЫМ ШЭЧ КЪЫТЕВМЫХЬЭ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  Дэ дэмылъыта Іуэхугъуэ гуэр къэхъуу, абы ди гъащІэр дауэ ихъуэжыфыну? (Эк 9:11)

• 

  Гугъуехь дыщыпэщІэхуэм деж тхьэлъэІур дауэ къыддэІэпыкъурэ?

• 

  Япэм тхуэщІэу щытам хуэдиз Иеговэ хуэдмыщІэжыфу щытмэ, ди гумрэ ди акъылымрэ иджыпсту тхузэфІэкІым тедухуэным сыт мыхьэнэшхуэ щІиІэр?

• 

  Уи тыгъэр къызэрыплъысыным шэч къытомыхьэну сыт къыбдэІэпыкъунур?