Ди «Іэмэпсымэхэр» ІэкІуэлъакІуэу къэгъэсэбэп

Хьисэ и гъэсэнхэр бгъэхьэзырыныр унэ ухуэным ебгъэщхь хъунущ. УхуакІуэ Іэзэм ещІэ и Іэмэпсымэхэр ІэкІуэлъакІуэу къызэригъэсэбэпыфынур. Дэ ди Іэмэпсымэ нэхъыщхьэр — ар Библиеращ икІи дэ дыхуейщ ар Іэзэу къэдгъэсэбэпыну (2Тм 2:15). ХъыбарыфІыр фІыуэ зыгъэІухэм Іэмэпсымэ зэмылІэужьыгъуэхэр къагъэсэбэп, псалъэм папщІэ планхэр, статья гуэрхэр, видеороликхэр. ХъыбарыфІыр щыбгъэІум деж сыт хуэдэ Іэмэпсымэхэр къэбгъэсэбэпрэ икІи сыт хуэдэ ехъулІэныгъэхэр уиІэ?a

Сыт къыддэІэпыкъунур ди Іэмэпсымэхэр нэхъ ІэкІуэлъакІуэу къэдгъэсэбэпыну? 1) Уи гупым кІэлъыплъ къуэшым къыбдэІэпыкъуну елъэІу. 2) ХъыбарыфІыр фІыуэ зыгъэІу ди къуэш, ди шыпхъухэм, пионерхэм цІыхухэр зэрырагъаджэм щапхъэ тех. 3) Іэмэпсымэ диІэхэр къэбгъэсэбэпыну зэрызебгъэсэнымкІэ сытым деж къару ехьэлІэ. Апхуэдэурэ уэ цІыхухэр планхэмкІэ, статья гуэрхэмкІэ, видеороликхэмкІэ зэрыбгъэсэнымкІэ нэхъ ІэкІуэлъакІуэ ухъуурэ укІуэнущ икІи «ухуэныгъэ» ебгъэкІуэкІым гуфІэгъуэ нэхъыбэ къыхэпхыфынущ.

• ХъыбарыфІыр щызгъэІум деж сыт хуэдэ Іэмэпсымэхэр къэзгъэсэбэпрэ икІи сыт хуэдэхэр иджыри къэзгъэсэбэп хъуну?

• Ди Іэмэпсымэхэм щыщ дэтхэнэ зыри дапщэщ къыщызгъэсэбэп хъунур?

• ХъыбарыфІыр фІыуэ зыгъэІу ди къуэш, ди шыпхъухэм сытым сыхурагъэсэфыну?