ХьэщІэхэр гуапэу къыдогъэблагъэ

Дэ дыщогугъ Хьисэ и Пщыхьэщхьэшхэм гъатхэпэ мазэм и 23-м хьэщІэу мелуан 12 е нэхъыбэ къэкІуэну. Абыхэм зэхахынущ Иеговэ ита къурмэныпхъэм икІи къэкІуэну зэманым цІыхубэм абы яхуищІэну фІыгъуэхэм теухуа псалъэ (Иса 11:6—9; 35:5, 6; 65:21—23; Ин 3:16). Ауэ псалъэ жызыІэным и закъуэкъым а зэІущІэм къекІуэлІа цІыхухэм ядэІэпыкъуфынур. Дэ псоми къару етхьэлІэ хъунущ, хьэщІэхэр гуапэу къедгъэблэгъэн щхьэкІэ (Рм 15:7). Мис чэнджэщ зыбжанэ.

• Уи тІысыпІэм уекІуэлІэжу зэІущІэр щІидзэным упэмыплъэу, хьэщІэхэмрэ куэд щІауэ зэІущІэхэм къемыкІуэлІэжхэмрэ угуфІэу псалъэ гуапэкІэ къегъэблагъэ

• ДауикІ, уэ езым къебгъэблэгъахэм гулъытэ хуэпщІынущ, ауэ кампанием и фІыгъэкІэ къэкІуахэри зыщомыгъэгъупщэ. Зэгъусэу Библием фыкІэлъыплъын икІи уэрэдхэр жыфІэн щхьэкІэ уи гъусэу тІыс зэрыхъуныр хьэщІэм жеІэ

• ЗэІущІэ нэужьым цІыхум упщІэ иІэм къащІэ. КъыкІэлъыкІуэ зэхуэсым щхьэкІэ зэхуэсыпІэм псынщІэу щІэкІыжын хуеймэ, цІыхум гурыІуэ куэд дэмыкІыу ухуэзэну. ЦІыхум зэрызыпыпщІэныр умыщІэмэ, жыпІэ хъунущ: «Сыхуейт узэдэІуам теухуауэ уи еплъыкІэр къэсщІэну. Дауэ укъэзгъуэта хъуну?»