Ахэр гуапэу къегъэблагъэ

Хэт къедгъэблэгъэн хуейр? Ди зэІущІэхэм къакІуэ дэтхэнэ зы цІыхури, ар япэу къэкІуами, куэд щІауэ къакІуэми (Рм 15:7; Евр 13:2). ЗэІущІэм къэкІуар нэгъуэщІ къэралым къикІа ди къуэшу е ди шыпхъуу къыщІэкІынкІэ хъунущ. Е илъэс куэд щІауэ зэІущІэхэм къэмыкІуэж Иеговэ и лэжьакІуэу щытыфынущ. Уэ абыхэм я пІэ уитамэ, уигу ирихьынутэкъэ, гуапэу укърагъэблэгъамэ? (Мт 7:12). ЗэІущІэм къекІуэлІахэм сэлам гуапэ епхыу гулъытэ хуэпщІыфыну? Апхуэдэу тщІэмэ, зэІущІэм лъагъуныгъэ илъынущ икІи абыкІэ Иеговэ дгъэлъэпІэнущ (Мт 5:16). ДауикІ, уэ псоми убгъэдыхьэну Іэмал уиІэнукъым. Ауэ зэхуэсым щыщ дэтхэнэ зыми къару ирихьэлІэмэ, къекІуэлІахэм псоми хьэщІагъэ етхыфынущa.

Дэ сыт щыгъуи хьэщІагъэ тхэлъыну дыхуейщ, Хьисэ и гъащІэр зэритар дигу къыщыдгъэкІыж махуэм имызакъуэу. Абы щыгъуэ зэІущІэм япэу къэкІуахэм ди зэхуаку дэлъ лъагъуныгъэр зыхащІэу, Алыхьым и лъэпкъым щыщ хъууэ, Иеговэ ягъэлъэпІэну гукъыдэж яІэнкІэ хъунущ (Ин 13:35).