7-НЕ ІЫХЬЭ
Хьисэ — хэт ар?
Иеговэ Хьисэ щІылъэм къигъэкІуащ. 1 Иуан 4:9
Алыхьыр арэзы тщІыну дыхуеймэ, Хьиси дедэІуэн хуейщ. Зэман куэдкІэ Іэдэм и пэ къихуэу Иеговэ ар уафэм къыщигъэщІащ лъэкІыныгъэшхуэ зиІэ мелыІычу.
Зэман зыбжанэ дэкІа иужь Иеговэ ар щІым къигъэкІуащ. Ар Вифлеем къалэм Мэрем зи цІэ хьыджэбзым къыщилъхуащ. Абы Хьисэ фІащащ (Иуан 6:38).
ЩІым щыщыІэм щыгъуэ Хьисэ Иеговэ и хьэл-щэнхэр нэгъэсауэ и дуней тетыкІэмкІэ къигъэлъэгъуащ. Ар цІыхуфІу, лъагъуныгъэ хэлъу, гуапэу, узыІэпишэу щытащ. Абы шынэ имыІэу Иеговэ теухуауэ пэжыр жиІэт.
Хьисэ фІы ищІэ пэтми ар ялъагъу хъутэкъым. 1 Петр 2:21—24
Хьисэ сымаджэхэр игъэхъужт, лІахэр къигъэтэджыжт.
Дин пашэхэм Хьисэ ялъагъу хъутэкъым, Алыхьым теухуауэ пцІы зыхурагъаджэмрэ я Іуэху Іейхэмрэ къызэрыщІигъэщым щхьэкІэ.
Дин пашэхэм трагъэгушхуащ Рим унафэщІхэр Хьисэ удын ирадзу иужькІэ яукІыну.