Nthimo
7 Mwanawa, lũmya ndeto syakwa,
Na ũyia mĩao yakwa ta ũthwii.
2 Kwata mĩao yakwa nĩ kana wĩkale thayũ;
Sũvĩa momanyĩsyo makwa* ta kyũma kya itho yaku.
3 Moveee syaanĩ syaku;
Maandĩke ĩsengeanĩ ya ngoo yaku.
4 Tavya ũĩ atĩĩ: “We wĩ mwĩĩtu-a-ia,”
Na ũyĩta ũtonyi wa kũelewa maũndũ “mũndũ wakwa wa mũsyĩ,”
6 Nĩ ndĩlĩsyanĩ ya nyũmba yakwa,
Nĩnasyaĩlilye tũmyanyanĩ twa mĩkonzo ya ndĩlĩsya,
7 Na yĩla nasyaĩĩsye ala atũndũu*
Nĩnoonie mwanake ũte kĩlĩko* katĩ wa amũika.
8 Esĩlile nzĩanĩ vakuvĩ na kona ya vala mũndũ mũka kĩlaalai wĩkalaa,
Na athi ngalĩko ĩla nyũmba ya mũndũ mũka ũsu yĩĩ
9 Kũituka, ĩ ya wĩoo,
Ũtukũ ũyambĩĩa na kĩvindu kĩilika.
10 Na ĩndĩ noona mũndũ mũka akomana nake,
Ekĩĩte ngũa ta* ĩlwaya, e na ngoo yĩ na ũseleke.
11 E kĩlonzo na e ngũlũ.
Ndesaa* kwĩkala mũsyĩ.
12 Ndatĩka ĩmwe e nza, ndatĩka ĩla ĩngĩ e iwanzanĩ sya ndũa,
Oveeasya vakuvĩ na kĩla kona.
13 Na akwata mwanake ũsu na mĩtũkĩ amũlũmya na amũmumunya;
Amũketeea ate na nthoni, na amwĩa atĩĩ:
14 “Nĩlasimĩkie kumya nthembo sya ngwatanĩo.
Ũmũnthĩ nĩnĩanĩisye mawĩvĩto makwa.
15 Nĩkyo kĩtumi nooka kũkomana naku,
Kũũmantha, na nĩnakwona!
16 Nalanĩtye suka nzeo kĩtandanĩ kyakwa,
Katane yĩ na malangi maingĩ kuma Misili.
17 Nĩminzangĩĩsye kĩtanda kyakwa manemane, mĩtĩ yĩ mũuke mũseo, na mũtalasinĩ.
18 Ũka, tũnywʼe wendo witũ tũkole nginya kwakya;
Nĩtũtanĩe wendo witũ vyũ twĩ vamwe,
19 Nĩkwĩthĩwa mũemewa nde mũsyĩ;
Aendie kyalo kya vaasa.
20 Akuie mũvuko wa mbesa,
Na ndesyoka nginya mwei ũlume.”*
21 Na ĩndĩ amwĩsũva mũno nginya amwasya.
Amũsesenga na ndeto syĩ mũyo.
22 Nake mwanake ũsu amuma ĩtina ate kwananga ĩvinda, ta nzaũ ĩendete kĩthĩnzĩonĩ,
Ta ndia ĩendete kũkanĩwʼa mbwaũnĩ sya kwoveea* mũndũ,
23 Nginya ĩangi yĩtonye ĩtema yake;
Ta nyũnyi ĩendete na mĩtũkĩ ĩkalike kĩteinĩ, ndesĩ kana kĩu kĩlikya thayũ wake mũisyonĩ.
24 Yu, ana makwa, mbĩthukĩĩsyei;
Teai matũ menyu mwĩwʼe ndeto ila ngũneena.
25 Mũiketĩkĩle ngoo yenyu yelelũkwʼe ĩlikwʼe nzĩanĩ syake.
Mũikae mũlike tũsĩlanĩ twake,
26 Nĩkwĩthĩwa nũtumĩte aingĩ mavalũka me oae,
Na ala ũaĩte nĩ aingĩ mũno.
27 Nyũmba yake ĩendete Mbũanĩ;*
Ĩtheeaa tũsũmbanĩ twa nthĩnĩ twa kĩkwʼũ.