Nthimo
3 Mwanawa, ndũkolwe nĩ momanyĩsyo makwa,*
Na ngoo yaku ĩkwate mĩao yakwa,
2 Nĩkwĩthĩwa ikakwongeleela mĩthenya mingĩ
Na myaka ya thayũ na mũuo.
3 Ndũketĩkĩle wendo ũtathelaa na ũĩkĩĩku* iũtie.
Syoveee ngingonĩ yaku;
Iandĩke ĩsengeanĩ ya ngoo yaku;
4 Nĩvo ĩndĩ ũkona ũseo na ũmanyi mwingĩ
Methonĩ ma Ngai na ma andũ.
6 Nzĩanĩ syaku syonthe mũsũanĩae,
Nake akaũlũngalĩlya tũsĩla twaku.
7 Ndũkethĩwe mũĩ methonĩ maku mwene.
Mũkĩe Yeova na ũyĩthyũũa ũtie ũthũku.
8 Kĩu kĩkavosya mwĩĩ* waku
Na kĩkavuũkya mavĩndĩ maku.
9 Taĩa Yeova na syĩndũ syaku sya vata,
Na ũsyao wa mbee wa* ngetha yaku yonthe;*
10 Nĩvo ĩndĩ makũmbĩ maku makausũa vyũ,
Na mĩtũngi yaku ĩkausũa* mbinyu nzaũ na ĩyĩtĩkanga.
11 Mwanawa, ndũkalee kũlũngwa nĩ Yeova,
Na ndũkamene ũkanyʼo wake,
12 Nũndũ ala Yeova wendete nũmakanasya,
O tondũ ĩthe ũkanasya mwana ũla wendete.
13 Nĩ mũtanu mũndũ ũla wonaa ũĩ
Na mũndũ ũla wĩmanyĩasya kũvathũkanyʼa maũndũ;
14 Kũũmesya kwĩ kavaa kwĩ kũmesya vetha,
Na kwĩthĩwa nawʼo ta vaita kwĩ kavaa kwĩ kwĩthĩwa na thaavu.
15 Nĩ wa thooa mũnene kwĩ maliani;*
Vai kĩndũ ũtonya kwenda kĩtonya kũelekanwʼa nawʼo.
16 Thayũ mũasa wĩ kwʼokonĩ kwawʼo kwa aũme;
Ũthwii na ũkumyo syĩ kwʼokonĩ kwawʼo kwa aka.
17 Nzĩa syawʼo nĩ sya kwendeesya,
Na tũsĩla twawʼo twʼonthe nĩ twa mũuo.
18 Nĩ mũtĩ wa thayũ kwa ala maũkwataa,
Na ala maũlũmasya vyũ makeetwa atanu.
19 Yeova eekĩie mwambĩlĩĩlyo wa nthĩ na ũĩ.
Alũlũmĩĩilye matu vyũ atũmĩĩte ũtonyi wake wa kũvathũkanyʼa maũndũ.
20 Kwa ũmanyi wake, kĩwʼũ kingĩ nĩkyaaaniwʼe*
Na yayaya yĩ matu nĩyalovotangisye ĩmwe.
21 Mwanawa, ndũkasyumye kĩlĩkonĩ kyaku.*
Sũvĩa ũĩ wa kwĩka maũndũ na ũtonyi wa kũsũanĩa;
22 Ikaũnenga thayũ
Na ikeethĩwa kĩndũ kya kwanakavya ngingo yaku;
23 Nĩvo ĩndĩ ũkaendelaa nzĩanĩ yaku wĩ mũsũvĩĩku,
Na kũũ kwaku kũikaaĩsa kũlulutĩka.*
24 Wakoma, ndũkakĩa;
Ũkakoma, na too waku ũkeethĩwa wa kwendeesya.
25 Ndũkakĩa ũtĩsyo o na ũmwe wa maũndũ matataĩĩwe
O na kĩuutani kĩla kyũkĩe ala athũku.
26 Nũndũ Yeova akeethĩwa mwambĩlĩĩlyo wa wĩkwatyo waku;
Akasiĩĩa kũũ kwaku kũikakwatwʼe.
28 Ndũkatavye mũtũi waku, “Enda na ũyĩsa kũka! Ngaũnenga kĩla ũkwenda ũnĩ,”
Ethĩwa no ũmũnenge kyo oyu.
29 Ndũkavange kũũmĩsya mũtũi waku
Yĩla ũkwĩwʼa e mũsũvĩĩku ailyĩ naku.
30 Ndũkatetanyʼe na mũndũ vate kĩtumi
Ethĩwa vai ũthũku ũkwĩkĩte.
31 Ndũkewʼĩe mũndũ mũngʼendu kĩwĩu kyai
O na ndũkanyuve nzĩa o na ĩmwe yake,
32 Nĩkwĩthĩwa Yeova nũmenete mũno mũndũ wĩkaa maũndũ ma ũseleke,
Ĩndĩ e ndũũ mũno na ũla mũlũngalu.
33 Kĩumo kya Yeova kĩ nyũmbanĩ ya ũla mũthũku,
Ĩndĩ nũathimaa mũsyĩ wa ũla mũlũngalu.
34 Nĩkwĩthĩwa nũthekeeaa ala me kĩvũthya,
Ĩndĩ nĩwonasya ala auu ũseo.
35 Ala oĩ makatiĩwa ndaĩa,
Ĩndĩ ndia ikumasya kĩvũthya.