Nthimo
27 Ndũkekathĩĩe ĩũlũ wa ũnĩ,
Nũndũ ndwĩsĩ kĩla mũthenya ũkaete.*
3 Ĩvia yĩthĩawa yĩ yĩito na kĩthangathĩ kĩthĩawa kĩ kĩito mũno,
Ĩndĩ thĩna ũla mũndũ ũeteawe nĩ mũndũ mũtumanu wĩthĩawa wĩ mũitango kwĩ syĩndũ isu syelĩ.
4 Ve ũthilĩku wĩ ũngʼendu na ũthatu ũilye kĩwʼũ kingĩ,
Ĩndĩ nũũ ũtonya kũmĩĩsya kĩwĩu?
5 Ũkanyʼo wa ũtheinĩ wĩ kavaa kwĩ wendo ũvithĩtwe.
6 Itau ila mũndũ ũeteawe nĩ mũnyanyae syĩthĩawa sya ũĩkĩĩku,
Ĩndĩ mũmaitha wa mũndũ amumunyaa kaingĩ.*
8 O ta nyũnyi ĩla ĩtiaa ndala* yayo
Nowʼo mũndũ ũla ũtiaa mũsyĩ wake wĩthĩawa ailye.
9 Mauta na ũvumba nitanĩthasya ngoo;
Na ũu nowʼo ũnyanya wĩ mũyo ũla ũetawe nĩ ũtao umĩte ngoonĩ* wĩkaa.
10 Ndũkatie mũnyanyau kana mũnyanya wa ĩthe waku,
Na ndũkalike nyũmbanĩ ya mwana-a-ĩthe waku mũthenya ũla wĩ na mũisyo;
Nĩ kavaa mũtũi wĩ vakuvĩ kwĩ mwana-a-ĩthe wa mũndũ wĩ vaasa mũno.
11 Mwanawa, ĩthĩwa mũĩ, na ũitanĩthya ngoo yakwa,
Nĩ kana nzũngĩe ũla ũmbũthasya.
12 Mũndũ mũĩ nĩwonaa mũisyo na ayĩvitha,
Ĩndĩ ala mate ũmanyi maendeeaa kũthi na mbee na maikwatwa nĩ mathĩna.*
13 Osa ngũa ya mũndũ ethĩwa nũnanenganie ngwatĩlĩlyo kwondũ wa mũeni;
Mũvene ngwatĩlĩlyo ĩsu ethĩwa anamĩnenganĩie mũndũ mũka mũeni.*
14 Yĩla mũndũ waathima mũndũ ũngĩ na wasya mũnene kwakya tene,
Ũndũ ũsu ũkatalwa ta kũmũumanĩa.
15 Kĩveti kĩ ĩteta* kĩilye ta kĩala kĩtaekaa kusya mũthenya ũla kwĩ mbua.
16 Mũndũ o na wĩva ũla ũtonya kũvota kũkĩsiĩĩa no avote kũsiĩĩa kĩseve
Na no avote kũkwata mauta na kw’oko kwake kwa aũme akamalũmya.
18 Ũla ũsũvĩaa mũkũyũ akaya matunda mawʼo,
Na ũla ũsũvĩaa vwana wake akanengwa ndaĩa.
19 O tondũ mũndũ wonaa ũthyũ wake kĩwʼũnĩ,
Nowʼo ngoo ya mũndũ ũmwe yonanasya ũndũ ngoo ya ũngĩ ĩilye.
20 Mbũa na vandũ va wanangĩko* iyĩsaa kwĩanĩwa,
O na metho ma mũndũ mayĩsaa kwĩanĩwa.
21 O tondũ mbisũ ya kũtheesya syĩndũ yĩthĩawa kwondũ wa vetha na ĩiko ĩnene kwondũ wa thaavu,
Nowʼo mũndũ ũtatawa nĩ ũtaĩo ũla wakwata.*
22 O na ũkakima mũndũ mũtumanu na mũthĩ
Ta lĩu wa mbaa ngetha ũkimĩwe ndĩĩnĩ,
Ũtumanu wake ndwĩsa kuma.
23 Waĩle kũmanya nesa ũndũ ndĩthya yaku ĩilye.
Sũvĩa malondu maku nesa,*
24 Nĩkwĩthĩwa ũthwii ndwĩkalaa tene na tene,
O na ngovia ya ũsumbĩ ndĩendeeaa* kwĩthĩwa vo nzyawanĩ syonthe.
25 Nyeki nziũ nĩthelaa na ĩngĩ nzaũ* ĩimea,
Na mĩmea ya iĩmanĩ nĩyũmbanawʼa.
26 Tũtũlũme nĩtũũnengae ngũa,
Na tũthenge nĩtũthooaa kĩtheka.
27 Na vakeethĩwa ĩia ya mbũi yĩtoetye kũkũĩthya we,
Kũĩthya mũsyĩ waku, na kũĩthya athũkũmi maku eĩtu.