Nthimo
23 Yĩla wekala nthĩ ũĩsanĩe na mũsumbĩ,
Sũanĩa nesa kĩla kĩ mbee waku;
2 Ĩkĩa kavyũ mũlũkũnĩ waku*
Ethĩwa nĩwendete kũya mũno.*
3 Ndũkende mũno lĩu wake mũseo,
Nũndũ nĩ lĩu wa ũkengani.
4 Ndũkenosye mũno ũimantha ũthwii.
Ekana na ũndũ ũsu na ũyonanyʼa nũeleawa maũndũ.*
5 Wawĩkĩsya metho, ndwĩthĩawa vo,
Nĩkwĩthĩwa vate nzika, ũkamesya nthwau ta ndiũ na ũyĩũlũka ũthi yayayanĩ.
6 Ndũkaye lĩu wa mũndũ mũtoonu;*
Ndũkende mũno lĩu wake mũseo,
7 Nĩkwĩthĩwa ethĩawa ailye ta mũndũ wosaa ũtalo.*
Akwĩaa, “Ya na ũinywʼa,” ĩndĩ ndethĩawa aikwĩa ũu kuma ngoonĩ.*
8 Ũkatavĩka tũlungu twa lĩu tũla ũĩte
Na ũkeethĩwa waananga ndeto syaku sya kũmũkatha.
9 Ndũkaneene matũnĩ ma ndia,
Nũndũ ĩkavũthĩĩsya ũĩ ũla wĩ ndetonĩ syaku.
10 Ndũkakũĩĩsye mũvaka wa tene
Kana wose mũũnda wa syana ite ĩthe.
11 Nĩkwĩthĩwa Mũtetei* wasyo e vinya;
Akaitetea ĩkoaninĩ yasyo na aikũvĩnga.
12 Nengane ngoo yaku ũkany’onĩ
Na kũtũ kwaku ndetonĩ sya ũmanyi.
13 Ndũkaeme kũlũnga kamwana.*
Wakakũna na ndata kaikakwʼa.
15 Mwanawa, ngoo yaku yeethĩwa yĩ mbũĩ,
Nĩvo ĩndĩ ngoo yakwa mwene ĩkatana.
17 Ngoo yaku ndĩkewʼĩe eki ma naĩ kĩwĩu kyai,
Ĩndĩ mũkĩae Yeova mũthenya wʼonthe,
18 Nĩkwĩthĩwa weeka ũu, ĩvinda yaku yũkĩte yĩkeethĩwa yĩ ĩseo
Na wĩkwatyo waku ndũkatilwa.
19 Mwanawa, ĩthukĩĩsye, na ũyĩthĩwa mũĩ,
Na elekelya ngoo yaku nzĩanĩ ĩla yaĩlĩte.
20 Ndũkethĩwe katĩ wa ala manyusaa mbinyu mbingĩ mũno,
Katĩ wa ala maĩsaa nyama na ĩtomo,
21 Nĩkwĩthĩwa mũthengi na mũndũ wĩ ĩtomo makatwʼĩka ngya,
Na kwombosya kũkatuma mũndũ ekĩa matani.
22 Ĩthukĩĩsye ĩthe waku ũla wakũsyaie,
Na ndũkavũthye inyia waku aĩ nĩkwĩthĩwa nĩ mũkũũ.
24 Vate ndĩi, ĩthe wa ũla mũlũngalu akeewʼa mũyo;
Mũndũ o na wĩva watwʼĩka ĩthe wa mwana mũĩ akatanĩthwʼa nĩwe.
25 Ĩthe waku na inyia waku makatana,
Na inyia waku ũla wakũsyaie akeewʼa mũyo.
26 Mwanawa, nenge ngoo yaku,
Na metho maku nĩmendeeawʼe nĩ nzĩa syakwa.
27 Nĩkwĩthĩwa mũndũ mũka ĩlwaya nĩ ĩima ĩliku,
Na mũndũ mũka kĩlaalai* nĩ kĩthima kĩtheke.
28 Ekalaa oveesye ta mũvenani;
Ongeleelaa ũtalo wa aũme ala mate aĩkĩĩku.
29 Nũũ wĩ na kyeva? Nũũ wĩ na kĩũũyũ?
Nũũ wĩ na ĩteta? Nũũ ũkũnyungunyĩsya?
Nũũ wĩ na itau vate kĩtumi? Nũũ wĩ na metho mailye ta mekwombosya?*
30 Nĩ ala mekalaa ĩvinda yĩasa mainywʼa mbinyu;
Ala mamanthaa* mbinyu ĩvulanĩtwʼe.
31 Ndũkasisye langi mũtune wa mbinyu
Yĩla ĩkũtisatisĩa kĩkombenĩ na ĩitheea o kavola,
32 Nĩkwĩthĩwa mũthya, ĩũmaa ta nzoka,
Na yumasya sumu ta nzoka mbai.
33 Metho maku makoona maũndũ maeni,
Na ngoo yaku ĩkaneena maũndũ mavuku.
34 Na ũkeethĩwa ũilye ta mũndũ ũkomete ũkanganĩ katĩ,
Ta mũndũ ũkomete mũthyanĩ wa mũlingoti wa meli.
35 Ũkaasya: “Nĩmangũna, ĩndĩ vai kĩndũ nĩneewʼa.*
Nĩmambũa, ĩndĩ ndinamanya.
Ngaamũka ĩndĩĩ?
Nĩenda kũnywʼa ĩngĩ.”*