Nthimo
1 Nthimo sya Solomoni, mwana wa Ndaviti, mũsumbĩ wa Isilaeli:
2 Nĩ kana mũndũ emanyĩsye* ũĩ na ũkany’o;
Nĩ kana aelewe ndeto sya ũĩ;
3 Nĩ kana akwate ũkany’o ũla ũnenganae ũmanyi mũliku,
Ũlũngalu, sila mũseo,* na ayĩkaa kĩla kyaĩlĩte;*
4 Nĩ kana ũla ũte na ũmanyi ethĩwe e mũĩ;
Nĩ kana mwanake akwate ũmanyi na ũtonyi wa kũsũanĩa.
5 Mũndũ mũĩ nĩwĩthukĩĩasya na ayĩmanyĩsya maũndũ maingangĩ;
Mũndũ ũeleawa maũndũ nũkwataa ũtongoi wĩ na ũtũĩka*
6 Nĩ kana aelewe nthimo na ũneeni ũsaanĩtye,*
Ndeto sya ala oĩ na ndaĩ syoo.
7 Kũmũkĩa Yeova* nĩkwʼo mwambĩlĩĩlyo wa ũmanyi.
No ndia syĩ syoka ivũthasya ũĩ na kũlũngwa.
9 Syo nĩ ta ngovia ya malaa ya kwendeesya kwondũ wa mũtwe waku
Na kĩndũ kĩseo kya kwĩyanakavya kwondũ wa ngingo yaku.
10 Mwanawa, eki ma naĩ maũsesenga, ndũketĩkĩle.
11 Masya: “Tũendanyʼe.
Twoveesyei twĩtĩkye nthakame.
Twĩĩkala twĩvithĩte, tweteelete kũvithũkĩa andũ mate na ĩvĩtyo vate kĩtumi.
12 Twĩmamelya me thayũ o ũndũ Mbũa* yĩkaa,
Me aima, ta ala matheeaa ĩimanĩ.
13 Tũmavenei syĩndũ syoo syonthe sya vata;
Twĩusũsya nyũmba sitũ na mũtavo.
15 Mwanawa, ndũkamaatĩĩe.
Vetanga maaũ maku kasĩlanĩ koo,
16 Nĩkwĩthĩwa maaũ moo masembaa meke ũthũku;
Mekalaataa metĩkye nthakame.
17 Vate nzika, nĩ wĩa wa mana kũtambũũkya neti nyũnyi yene vyũ.
18 Nĩkyo kĩtumi moveeasya metĩkye nthakame;
Mevithaa moae* angĩ.
19 Ii nĩsyo nzĩa sya ala mamanthaa vaita na nzĩa itaĩlĩte,
Ũla ũkamina mathayũ ma ala maũkwataa.
20 Ũĩ wa wʼo wĩtanĩaa na wasya mũnene nzĩanĩ.
Ũendeeaa kũkĩlĩlya wasya wawʼo iwanzanĩ sya ndũa.
21 Wĩtanĩaa konanĩ sya* nzĩa ila syĩthĩawa na andũ aingĩ.
Waasya ũũ wĩ mĩomonĩ ya mĩvĩa ya ndũa:
22 “Inywʼĩ andũ mũte na ũmanyi, mwĩendeea kwenda kwĩthĩwa mũte na ũmanyi nginya ĩndĩĩ?
Inywʼĩ andũ mwĩ kĩvũthya, mwĩendeea kũtanĩa kĩvũthya nginya ĩndĩĩ?
Na inywʼĩ andũ atumanu, mwĩendeea kũmena ũmanyi nginya ĩndĩĩ?
23 Ĩthukĩĩsyei ũkany’o wakwa.*
Na ĩndĩ ngamũtulũĩla veva wakwa;
Ngamũmanyĩthya ndeto syakwa.
24 Nũndũ nĩneetanie na wasya mũnene, ĩndĩ mwaendeea kũlea,
Nĩnatambũũkisye kw’oko kwakwa, ĩndĩ vai ũmwe waaũngana nakwa,
25 Mwaendeeie kũvũthĩĩsya ũtao wakwa wʼonthe
Na kũlea ũkany’o wakwa,
26 O nakwa ngamũthekeea yĩla mũkakwatwa nĩ mũisyo;
Ngamũvũthĩĩsya yĩla kĩla mũkĩaa kĩkoka,
27 Yĩla kĩla mũkĩaa kĩkoka ta kĩuutani,
Na mũisyo wenyu ũkavika ta kĩseve kya kĩuutani,
Yĩla woo na thĩna ikamũkĩa.
28 Ĩvindanĩ yĩu makaendeeaa kũmbĩta, ĩndĩ ndikasũngĩa;
Makamantha na kĩthito, ĩndĩ maikambona,
29 Nũndũ nĩmamenete ũmanyi,
Na mayaanyuva kũmũkĩa Yeova.
30 Nĩmaleile ũtao wakwa;
Mayaanenga ũkany’o wakwa wʼonthe ndaĩa.
32 Nĩkwĩthĩwa ala mate ũmanyi makooawa nĩ kwasya nzĩa,
Na kũlea kũmaka kwa ala atumanu kũkamananga.
33 Ĩndĩ ũla ũmbĩthukĩĩasya akekalaa e mũsũvĩĩku
Na kũkĩa mũisyo kũikatuma akwatwa nĩ wia.”