Yovu
9 Yovu asũngĩie asya:
2 “Kwa wʼo nĩnĩsĩ ũu nĩwʼo maũndũ mailye.
Ĩndĩ mũndũ ũla ũtonya kũkwʼa atonya kwĩthĩwa ngalĩkonĩ ĩla ya wʼo ata ĩkoaninĩ yake na Ngai?
3 Ethĩwa mũndũ eenda kũkananĩa na Ngai,*
Mũndũ ũsu ndatonya kũsũngĩa ĩkũlyo o na yĩmwe katĩ wa makũlyo ngili ma Ngai.
4 Nĩ mũĩ ngoonĩ na e ũtonyi mwingĩ mũno.
Nũũ ũtonya kũleana nake na aivonoka ate mũũmĩsye?
5 Nũthamasya* iĩma na ũyĩthĩa vai mũndũ o na ũmwe ũnamanya;
Nũikulumanasya ũthatunĩ wake.
6 Nũthingithasya nthĩ ĩkauma vandũnĩ vayo,
Nginya ituĩ syayo ikatetema.
7 Nĩwĩaĩaa sua yĩikae
Na nũvw’ĩkaa kyeni kya ndata vyũ;
8 Atambũũkasya matu e o weka,
Na aikinyĩla itulumonĩ nene sya ũkanga.
9 Nĩwoombie kĩkundi kya ndata kya Asi,* Kesili,* na Kima,*
Na ikundi sya ndata sya yayaya ya ngalĩko ya ĩtheo;*
10 Ekaa maũndũ manene na matamanthĩka,
Maũndũ ma kũsengyʼa matatalĩka.
11 Esĩlaa vakuvĩ nakwa, na ndyĩthĩawa ndonya kũmwona;
Nũmbĩtũkaa, ĩndĩ ndimũmanyaa.
12 Yĩla wavulya kĩndũ, nũũ ũtonya kũmũsiĩĩa?
Nũũ ũtonya kũmũkũlya, ‘Ĩndĩ wĩĩka ata?’
13 Ngai ndakasiĩĩa ũthatu wake;
O na atetheesya ma Laavi* makamũkumanĩa.
14 Nĩ mbee mũno wĩana ata yĩla ngũmũsũngĩa
No nginya nĩnyuve ndeto syakwa nesa yĩla tũũneenea ũndũ nake!
15 O na keka ndi na ĩvĩtyo, ndimũsũngĩa.
Nĩka o kwĩsũva mũsili wakwa* ambĩwʼĩe tei.
16 Yo namwĩkaĩla, akanzũngĩa?
Ndikũĩkĩĩa kana akeethukĩĩsya wasya wakwa,
17 Nĩkwĩthĩwa andumbandumbaa na kĩuutani
Na aingĩvasya itau syakwa vate kĩtumi.
18 Ndaekaa nĩveve;
Atindĩaa kũmbusũsya maũndũ me ũũ.
19 Ethĩwa nĩ ũndũ ũkonetye ũtonyi, nĩwe wĩ vinya.
Ethĩwa nĩ ũndũ ũkonetye ũsili wa katĩ, aasya: ‘Nũũ ũtonya kũnzikata?’*
20 O na ngethĩwa ndavĩtĩtye, kanywʼa wakwa ndũema kũnzilĩla;
22 Maũndũ asu onthe no ũndũ ũmwe. Nĩkyo kĩtumi ngwasya,
‘Anangaa ala mate na ĩvĩtyo* o ũndũ ũmwe na ala athũku.’
23 Kĩwʼũ kingĩ kĩkoka na kĩthũlũmũko na kĩyĩete kĩkwʼũ kĩtataĩĩwe,
Athekeea kũtũlĩka ngoo kwa ala mate na ĩvĩtyo.
24 Nthĩ nĩnenganĩtwe mokonĩ ma ala athũku;
Nũvwʼĩkaa metho* ma asili mayo.
Ethĩwa ti we, nũũ ĩndĩ?
25 Yu mĩthenya yakwa ĩsembete mĩtũkĩ kwĩ mũsembi;
Ĩsembete ĩte kwona ũseo.
26 Ĩsembaa na mĩtũkĩ mũno ĩvindĩtye ta masiwa ma mĩangi,
Ta ndiũ ila itheeaa na mũuuto ikwate kĩndũ.
27 Ngasya, ‘Nĩngũlwa nĩ kũnyungunyĩsya kwakwa,
Nĩngũeka kũtukya ũthyũ na ndyĩthĩwa nĩ mũsanzamũku,’
28 Nĩendeea o kwĩthĩwa na wia nũndũ wa woo wakwa wʼonthe,
Na nĩnĩsĩ ndũlea kwona nĩ na ĩvĩtyo.
29 Nĩthĩwa nĩ o na ĩvĩtyo.*
Kwoou ve vata mwaũ wa kũngʼangʼanĩa o mana?
30 Ethĩwa ngathamba na kĩwʼũ kyumĩtwʼe ĩanĩ ĩtweku,
Na kũthamba moko makwa na savunĩ,*
31 Nĩvo ĩndĩ ũndikya ĩimanĩ,
Ũkethĩa o na nginya ngũa syakwa mwene niũmena.
32 Nĩkwĩthĩwa we ti mũndũ takwa ũndũ nĩmũsũngĩa,
Ũndũ tũthi nake kotinĩ.
34 Keka no aeke kũmbũa*
Na aieka kũndelemya na motĩsyo make,
35 Nĩvo ĩndĩ nĩneena nake nde na wia,
Nĩkwĩthĩwa nyie ndi wia wa kũneena.