Ebi A Ha Luẹ Bhi Obọle Nọnzi 14

Kristiẹn bhi ẹghe ẹdẹlẹ da wo wewe ọta nọn mhẹn ọsi Agbejele sẹbhi eje ree nẹ bhi ọne otọ nan. Jesu da dia ele diọbhi eji ele ha da tẹmhọn Osẹnobulua, yẹ re uwedẹ ọhan-ilo rẹ rẹkpa ele rẹ sabọ tẹmhọn Osẹnobulua man ẹbho bhi urolo nọnsele. Jehova da re izebhudu nin ele, yẹ rẹkpa ele rẹ sabọ ziẹngbe ekpokpo nọn kaka.

Jesu da rẹkpa Jọni rẹ daghe uyi nọnsi Jehova bhi imianlo. Sẹyẹ, bhi imianlo ọbhebhe, Jọni da daghe ọle ghe, Agbejele nọnsi Osẹnobulua khọn Esu bi ugbẹloghe nọnsọle miotọ sẹsẹsẹ. Jọni da daghe ọle ghe, Jesu gbẹloghe bii Ojie, sẹyẹ, itue 144,000 ne ha deba ọle gbẹloghe ribhi eji ọle ye. Jọni da yẹ daghe ọle ghe, a re ọne otọ nan rebhe kiẹn otọ ọfubhegbe, nin ọrebhe ha da ha ga Jehova bhi ọfure bi okugbe.