ỌTA NIN ELASẸRE NỌỌN
Be IBaibo Ha Rẹ Sabọ Rẹkpa Mẹn Yẹ?—Obọ 1: Ebi Uwẹ Ha Rẹ Munhẹn Ha Tie IBaibo Yẹ
“Mẹn wo rẹ dọnmhegbe nin mẹn rẹ ha tie iBaibo, ọkpakinọn, Baibo kpọnọ gbe!”—Briana, 15.
Iriọ uwẹ be yẹ ria ọle le? Ahamiẹn iriọ, ọne uhọnmhọn-ọta nan dẹ sabọ rẹkpa uwẹ.
Bezẹle nọn da khẹke nin mhan ha tie iBaibo?
Uwẹ be riale ghe Baibo nan tie ida sabọ ha ti uwẹ bhọ? Asabọmiẹn uwẹ riale iriọ, ranmhude, ebe a wo gbẹn vuọn ọlẹn. Ifoto bi vidio iribhi ẹkẹ ọle. Bhiriọ, uwẹ sabọ ha riale ghe ọ ida ti uwẹ bhọ rẹ ha tie ọle.
Ọkpakinọn, ji a man yọle ghe uwẹ miẹn udede ẹkpẹti nan lu bhi ẹghe ẹdẹlẹ, nin emhin nọn ghanlẹn ye, ọ ida be yẹẹ uwẹ rẹ lẹn ebe ribhi ẹkẹ ọle?
Iriọ iBaibo diabe ọne udede ẹkpẹti nin. Ọta ẹwanlẹn ne bunbun wo ribhi ẹkẹ ọle ne ha sabọ rẹkpa uwẹ rẹ
Zẹ emhin esili nin uwẹ ha lu
Ha lu ebe ti ene biẹ uwẹ bhọ
Zẹ imọẹ ne mhẹn
Ha ziẹngbe ọnọghọ
Bezẹle nin Baibo da sẹyẹ sabọ rẹkpa mhan ẹlẹnan arẹmiẹn ghe ebe nan gbẹn eghe edẹlẹ nọn? Ranmhude “ahu ẹlinmhin nọn khiale nọnsi Osẹnobulua a rẹ gbẹn ọlẹn.” (2 Timothy 3:16) Obọ nọnsi Osẹnobulua adia ne ribhọ na vae. Osẹnobulua hi ọria nọn mhẹn nẹ nọn ha sabọ re adia nin mhan.
Inian Baibo diabe udede ẹkpẹti nin emhin ne ghanlẹn ye. Ọta ẹwanlẹn ne bunbun vuọn ọlẹn.
Be imhan ha rẹ ha tie iBaibo yẹ?
Uwẹ sabọ rẹ mhanmhanlẹn nin uwẹ rẹ tie iBaibo rebhe sotọ. Ọnan dẹ rẹkpa uwẹ rẹ lẹn emhin kpataki nan tẹmhọnlẹn bhi Baibo. Uwedẹ kẹkẹ ribhọ nin uwẹ ha rẹ sabọ ha tie Baibo. Ji mhan tẹmhọn eva bhi ene uwedẹ nan:
Uwẹ sabọ rẹ na bhi ebe nọnsi Genesis munhẹn tie ọle sẹbhi Revelation.
Uwẹ sabọ rẹ tie ọle beji emhin nan gbẹn ọbhọ rẹ sunu kẹkẹ.
Emhin nọn ha sabọ rẹkpa uwẹ: Bhi Appendix A7 bhi Baibo natiọle New World Translation, uwe dẹ sabọ miẹn okha ọsi Jesu tie beji ọ rẹ sunu ọsegbe-ọsegbe.
Uwedẹ ọbhebhe nin uwẹ ha rẹ sabọ tie Baibo hi, nin uwẹ rẹ tie okha nọn tẹmhọn idia nin uwẹ ye. Bhi ọsi ijiẹmhin:
Uwẹ be guanọ imọẹ esili? Uwẹ sabọ rẹ tie okha ọsi David bi Jonathan. (1 Samuel, uhọnmhọnlẹn 18-20) Uwẹ ha ki tie ọle fo, noo ebe nọn mhọn uhọnmhọn-ọta nọn yọle “How to Find Loyal Friends” rẹ fẹ ebi uwẹ ha sabọ luẹ bhi ọne okha.
Uwẹ be guanọ nin uwẹ sabọ ha khọn edọnmhẹn? Tie okha ọsi ebi Joseph rẹ sabọ khọn edọnmhẹn yẹ, (Genesis, uhọnmhọnlẹn 39) uwẹ ha noo ebe nọn mhọn uhọnmhọn-ọta nọn yọle “How to Resist Temptation . . . Joseph—Part 1” bi “Falsely Accused! Joseph—Part 2” rẹ fẹ ebi uwẹ ha sabọ luẹ bhi ọne okha.
Uwẹ guanọ nin uwẹ lẹn ebi erọnmhọn ha rẹ sabọ rẹkpa uwẹ yẹ? Tie okha ọsi Nehemiah, (Nehemiah, uhọnmhọnlẹn 2) uwẹ ha noo ebe nọn mhọn uhọnmhọn-ọta nọn yọle “God Answered His Prayer” rẹ fẹ ebi uwẹ ha sabọ luẹ bhi ọne okha.
Emhin nọn ha sabọ rẹkpa uwẹ: Guanọ eji fi ahiẹ a nin uwẹ da sabọ mun ọkhọle ọbhi ebi uwẹ luẹ.
Uwedẹ ọzea hi: zẹ eji ọ ki rẹ khin bhi ẹkẹ Baibo, tie ọle yẹ zilo nyan ọlẹn. Uwẹ ha ki tie ọle fo, nọọn egbe uwẹ ene inọnta nan:
Bezẹle nin Jehova da gbẹn ọnan bhi Baibo?
Be ọnan rẹman rẹji Jehova?
Be eji mẹn tiele nan ha rẹ sabọ rẹkpa mẹn yẹ bhi iẹnlẹn?
Emhin nọn ha sabọ rẹkpa uwẹ: Bhi New World Translation (study edition), uwẹ dẹ miẹn ividio, mapu bi emhin ebhebhe ne ha sabọ rẹkpa uwẹ rẹ lẹn otọ emhin nin uwẹ tie.