Inọnta Nin Baibo Re Ewanniẹn Ọi / Erọnmhọn / Ọ Be Khẹke Nin Mẹn Ha Nan Erọnmhọn Ji Ẹhi La Eria Ọbhebhe?

Ewanniẹn nin Baibo re ọbhọ

Eye. Baibo rẹman ghe Osẹnobulua ọkpa ọkhẹke nin mhan ha nan erọnmhọn je. Mhan ki nan ọne erọnmhọn bhi elin nọnsi Jesu. Jesu da taman edibo nesọle yọle: “Inian bha ha rẹ ha nan erọnmhọn: ‘Aba mhan nọn ribhi okhun, ji elin nọnsẹ kpe khia.’” (Matthew 6:9) Ọle bha taman edibo nesọle nin ele ha nan erọnmhọn ji ehi, la ọria ọbhebhe.

Jesu da yẹ taman edibo nesọle yọle: “Mẹn hi ọne uwedẹ, ọne ẹmhọanta bi ọne iẹnlẹn. Ọria soso ida sabọ bu ọne Aba re sade ọle bha na bhi obọ mẹn.” (John 14:6) Bhiriọ, Jesu ọkpa Osẹnobulua re mundia nọn ha ne mhan bhii ọle.—Hebrews 7:25.

Mẹn ida be sabọ ha nan erọnmhọn ji Osẹnobulua yẹ nan erọnmhọn ji ẹhi la eria ọbhebhe?

Bhi ẹkẹ uhi nin Osẹnobulua na bhi obọ iMoses gbe nin ibhokhan Izrẹl, ọle da yọle: “Osẹnobulua nọn ho nan ha ga ọle ọkpa mẹn khin.” (Exodus 20:5) Beji a miẹn ghe erọnmhọn nan nan deba oga nin mhan re ji Osẹnobulua, ọle ọkpa ọkhẹke nin mhan ha nan erọnmhọn je.—Isaiah 48:11.

Bhiriọ, ahamiẹn mhan nan erọnmhọn ji ọria ọbhebhe, ọ dẹ wo re ẹkẹ khọ Osẹnobulua. Ẹghe nin John nin odibo rẹ ha guanọ nin ọle diguẹ nin ẹhi ọkpa yẹ ga ọle, ọne ẹhi da taman ọlẹn yọle: ‘Hẹi lu iriọ! Ọguọmhandia bii uwẹ bi ibhio uwẹ ne sọsali rẹji Jesus mẹn gheghe khin. Ga Osẹnobulua!’—Revelation 19:10.