Ebi Agbejele Nọnsi Osẹnobulua Ha Khian Okhọnlẹn Yẹ

Okhọnlẹn wo ha si ọkakale bi iloya ji ẹbho bhi otọ agbọn rebhe. Fẹ ebi ẹbho eso ta yẹ:

• “Ukpe nọn gbera, ọle hi ukpe nin ẹbho da sẹ yu nẹ bhi ọkhọnlẹn rẹ na bhi ukpe 1994 ha vade, manman nọn, ranmhude okhọn nan khọn bhi otọ Ethiopia bi Ukraine.”—Peace Research Institute Oslo, Jun 7, 2023.

• “Okhọn nan khọn bhi Ukraine deba okhọnlẹn ne kie wo ha khọ ọbhọ bhi ukpe 2022. Okhọnlẹn nan khọn bhi otọ agbọn rebhe bhi ukpe nọn gbera, ranmhude ẹmhọn ahinmhin-ibo manman bun gbera ọne a ka miẹn khẹ. Ebe sẹbhi itue ẹbo iyisẹn ihinlọn nyan ẹbo uli ọkpa (1.7 billion), ele ọne okhọnlẹn rẹso.”— The Armed Conflict Location & Event Data Project (ACLED), Fẹbuare 8, 2023.

Baibo re ikhuaẹloghe nin mhan. Ọ yọle ghe “Osẹnobulua nọn ribhi okhun ki mun ejele nan i da sabọ fuẹn an ghee gbọ.” (Daniel 2:44) Bhi Agbejele nọnsọle, Osẹnobulua ki “re ọkpẹnlẹn ọbhi okhọnlẹn bhi ọne otọ agbọn nan rebhe.”—Psalms 46:9.