Otọ Nọn Munvẹa Nọn Riia Emhin An Bhi Turkey bi Syria—Be Baibo Ta Yẹ?

Bhi ẹdẹ Mọnde, Fẹbuare 6, 2023, otọ da munvẹa bhi Turkey bi Syria. Ọne otọ nọn munvẹa da wo riia emhin an bhi enin.

• “Otọ nọn munvẹa bhi eje manman kpọno bhi Turkey bi obọ ọsi nọtwẹst bhi Syria da gbono ebe gbera itue 3,700 an. Ẹghe nin ulin rẹ wo manman ha fi ọ rẹ sunu. Ọne ulin da re emhin ha nọghọ ẹbho ne bunbun ne kuan egbe bi ene uwa nọnsele dunmhun an ranmhude ọne otọ nọn munvẹa. Ọ da yẹ re ọle ha nọghọ nan rẹ ha guanọ eria ne bha sẹ yuno.”—Reuters, Fẹbuare 6, 2023.

Ọ manman ba mhan sẹ uguẹ sade emhin ne dia inian sunu. Bhi ẹghe nọn sẹnian, mhan dẹ sabọ ha khuaẹloghe Jehova nin “Osẹnobulua nan na bhi obọ ọle miẹn ikoudure.” (2 Corinthians 1:3) Ọle noo Baibo rẹ ko mhan udu re nin mhan da sabọ ha mhọn ikhuaẹloghe.—Romans 15:4.

Mhan luẹle bhi Baibo:

• Ebi a tale rẹji otọ nọn munvẹa.

• Eji mhan ha da miẹn ikoudure bi khuaẹloghe.

• Ebi Jehova ha rẹ re ọkpẹnlẹn ọbhi iloya rebhe yẹ.

Nin uwẹ rẹ lẹn ebi Baibo tale rẹji ene uhọnmhọn-ọta nan, tie ene uhọnmhọn-ọta ne yọle:

• “Great Earthquakes—What Did the Bible Prophesy?” (Be Baibo Tale Rẹji Otọ Nọn Munvẹa?)

• “Where Can I Find Hope?” (Ijela Mẹn Ha Da Miẹn Ikhuaẹloghe?)

• “God Will Soon End All Suffering” (Osẹnobulua Dẹ Kẹ Re Ọkpẹnlẹn Ọbhi Iloya Rebhe)