ỌTA NIN ELASẸRE NỌỌN
Emhin Nela Ọkhẹke Nin Mẹn Lu Sade Mẹn Mianmẹn Fo?—Obọle 1: Yẹ Wo Ha Lu Emhin Nin Uwẹ Ka Lu Khẹ
Emhin nọn khẹke nọn nin ọria rẹ manman gbẹloghe emhin ne ghanlẹn nin ọle mhọnlẹn, emhin bii uwa la moto. Iriọ ọ yẹ rẹ khẹke nin uwẹ ha gbega ikolu nin uwẹ bi Osẹnobulua ko mhọnlẹn. Be uwẹ ha rẹ manman ha ziẹn ikolu nin uwẹ bi Osẹnobulua ko mhọnlẹn yẹ sade uwẹ mianmẹn fo?
Ebi a ha zilo nyan bhi ọne uhọnmhọn-ọta nan hi,
Wo ha luẹ Ọta nọnsi Osẹnobulua
Baibo nọn ha sabọ rẹkpa uwẹ: Bha “ha lu emhin esili rebhe, yẹ ha tuẹn okhun bhi ilẹnmhin nọn gbale nọnsọle.”—Kolose 1:10.
Ebi a re ọle ta: Uwẹ ha mianmẹn fo, ọkhẹke nin uwẹ yẹ wo situa ha luẹ Baibo yẹ ria eria nyan ebi uwẹ luẹ.—Psalm 25:4; 119:97.
Emhin nọn ha sabọ sunu: Asabọmiẹn ọ i da ha ghọn uwẹ rẹ luẹ Baibo ẹgheso. Ọnan dẹ sabọ re uwẹ ha riale ghe uwẹ i yi ọria nin ebe nan tie yẹẹ.
Ebi uwẹ ha sabọ lu: Re ẹghe ọbhi otọ rẹ manman luẹ uhọnmhọn-ọta bhi Baibo nọn yẹẹ uwẹ. Tobuwẹ lu emhanmhan nan rẹ luẹ Baibo nin uwẹ ha sabọ re obọ rẹkhan. Yere ghe, nin uwẹ da sabọ ziẹn oyẹẹ nin uwẹ mhọn da Jehova bi Ọta nọnsọle zẹle nin uwẹ da luẹ Baibo. Uwẹ dẹ sọnyẹnmhẹn bhi iluẹmhin nọn sẹnian yẹ miẹn elele bhọ.—Psalm 16:11.
Ebi uwẹ ha rẹ lu ọle yẹ: Nin uwẹ da sabọ miẹn elele bhi Baibo nin uwẹ luẹ, guanọ eje fiahiẹ a, bhi eji emhin i da ha de uwẹ idobolo.
Emhin ebhebhe ne ha sabọ rẹkpa uwẹ
Tie:
“How Can the Bible Help Me?—Part 2: Make Bible Reading Enjoyable” (Ebi Baibo Ha Rẹ Sabọ Rẹkpa Mẹn Yẹ?—Obọle 2: Ebi Uwẹ Ha Rẹ Ha Sọnyẹnmhẹn Bhi Baibo Nan Tie Yẹ)
“How Can I Learn to Focus?” (Be Imẹn Ha Rẹ Sabọ Ha Mun Ọkhọle Ọbhi Ebi Mẹn Luẹ Yẹ?)
Ghe:
Danlod:
Wo ha nan erọnmhọn ji Jehova
Baibo nọn ha sabọ rẹkpa uwẹ: “Bha hẹi ha kpokpo egbe ba emhin soso. Bhi emhin nọn hi ki rẹ khin, bha ha nan erọnmhọn ji Osẹnobulua, bha ha bhii ọle nin ọle dia bha, bha yẹ ha khuẹnmhẹn ọlẹn.”—Filipai 4:6.
Ebi a re ọle ta: Baibo nin uwẹ tie, ọle uwẹ rẹ ka Osẹnobulua ehọ, sẹyẹ, erọnmhọn nin uwẹ nan je ọle, ọle uwẹ rẹ nanlẹn talọ. Ahamiẹn uwẹ nan erọnmhọn, uwẹ dẹ sabọ bhii Osẹnobulua nin ọle rẹkpa uwẹ, sẹyẹ, uwẹ dẹ sabọ khuẹnmhẹn ọlẹn bhi emhin nin ọle sẹ lu nin uwẹ.
Emhin nọn ha sabọ sunu: Asabọmiẹn uwedẹ ọkpa uwẹ ki rẹ erọnmhọn. Uwẹ bhọ sabọ rẹ ha mhọn edandan si Jehova gene kaehọ erọnmhọn nin uwẹ nan hiehie la si ọle bhọ muegbe rẹ ka uwẹ ehọ.—Psalm 10:1.
Ebi uwẹ ha sabọ lu: Beji uwẹ rẹ lu ilọnmhọn ukpẹdẹ, ha ria ẹmhọn ebi uwẹ ha sabọ taman Osẹnobulua bhi erọnmhọn. Ahamiẹn ghe ranmhude idia nin uwẹ ye bha re otọ nin uwe rẹ nan erọnmhọn je Osẹnobulua bhi ọne ẹghe nin tee, uwẹ sabọ rẹ zẹ nin uwẹ rẹ tale man ọlẹn sade azẹbue. Rẹ gbera emhin ne rẹtẹ uwẹ nin uwẹ ha taman Osẹnobulua, yẹ ha bhii nin ẹbho nekẹle.—Filipai 2:4.
Ebi uwẹ ha rẹ lu ọle yẹ: Ahamiẹn uwedẹ ọkpa uwẹ ki rẹ nan erọnmhọn, bhii Jehova nin ọle rẹkpa uwẹ bhi idia nọn sẹnian. Ọle ho nin ọle lẹn emhin rebhe ne kpokpo uwẹ, rẹ dọ sẹbhi uwedẹ nin uwẹ rẹ nan erọnmhọn.—1 Jọni 5:14.
Emhin ebhebhe ne ha sabọ rẹkpa uwẹ
Tie:
“Why Should I Pray?” (Bezẹle Nọn Da Khẹke Nin Mẹn Ha Nan Erọnmhọn?)
Danlod:
“How to Improve Your Prayers” (Be Uwẹ Ha Rẹ Sabọ Ha Nan Erọnmhọn Gbera Ọnikhẹ Yẹ?)
Wo ha tẹmhọn ebi uwẹ rẹọ i man ẹbho
Baibo nọn ha sabọ rẹkpa uwẹ: “Gbẹlokotọ bhi egbe ẹ bi uwedẹ nin uwẹ rẹ man emhin. . . . Uwẹ ha lu iriọ, uwẹ ki sabọ miẹn egbe ẹ fan. Uwẹ ki yẹ miẹn ẹbho ne ka uwẹ ehọ fan.”—1 Timoti 4:16.
Ebi a re ọle ta: Ahamiẹn uwẹ taman ẹbho ebi uwẹ rẹọ i, uwẹ ki yẹ ha ziẹn urẹọbhọ nọnsẹ. Bhiriọ, uwẹ ki sabọ miẹn egbe uwẹ fan bi ẹbho ne ka uwẹ ehọ.
Emhin nọn ha sabọ sunu: Ẹgheso, ọ i ghọn mhan rẹ taman ẹbho emhin nin mhan rẹọ i. Ofẹn sabọ rẹ ha mun uwẹ rẹ lu ọle, manman nọn, bhi isiku.
Ebi uwẹ ha sabọ lu: Dọnmhegbe nin uwẹ hẹi ji emhin ne i mhẹn, bọsi ofẹn nọn mun ọria, ha si uwẹ re ikeke rẹ lu ebe khẹke. Pọl nin odibo da gbẹn yọle: “Aharẹmiẹn ghe ranmhude oko nọn zẹle nin mẹn da [wewe ọne ọta nọn mhẹn man ẹbho], ẹsọn nọn khua a yẹ mun mẹn bhi obọ.”—1 Kọrint 9:16, 17.
Ebi uwẹ ha rẹ lu ọle yẹ: Guanọ ọria bhi ẹkẹ agbotu nọn guẹ rẹ tẹmhọn Osẹnobulua nọnsẹn nin uwẹ ha sabọ ha re egbe khọkhọ, sade ene biẹ uwẹ re otọ nin uwẹ rẹ lu iriọ.—Proverbs 27:17.
Emhin ebhebhe ne ha sabọ rẹkpa uwẹ
Tie:
“Why Am I Afraid to Share My Faith?” (Bezẹle Nin Ofẹn Da Mun Mẹn Rẹ Ha Taman Ẹbho Ebi Mẹn Rẹọ I?)
Wo ha yo ikolo oga ẹghe rebhe
Baibo nọn ha sabọ rẹkpa uwẹ: “Bha ji mhan ha ria ẹmhọn egbe, beji mhan ha da re ibo mhan ha mhọn oyẹẹ, yẹ re ele ha lu emhin ne mhẹn. Bha hẹi ha gbẹdẹ ikolo oga.”—Hibru 10:24, 25.
Ebi a re ọle ta: Ebe manman zẹ nin mhan da yo ikolo oga hi, nin mhan dọ ga Jehova. Elele eva yẹ ribhọ nin mhan miẹn bhi ikolo oga nan yo. Ọhẹnhẹn, uwẹ miẹn ikoudure bhi obọ ibhio mhan nin ibha ko ribhi agbotu ọkpa. Ọzeva, uwẹ re ọta nin uwẹ rẹman bi ewanniẹn nin uwẹ re ọbhi inọnta rẹ re ikoudure nin ele.—Rom 1:11, 12.
Emhin nọn ha sabọ sunu: Asabọmiẹn uwẹ ha ribhi ikolo oga ẹgheso, emhin ọbhebhe ki wo ha na uwẹ bhi ọkhọle, bhiriọ, uwẹ i da yẹ ha kaehọ ebi a ta. La asabọmiẹn uwẹ ki ha gbẹdẹ ikolo oga la uwẹ ki ha ji emhin bii, ẹmhọn isiku bi emhin nekẹle ha de uwẹ idobolo.
Ebi uwẹ ha sabọ lu: Dọnmhegbe ha yo ikolo oga ẹghe rebhe nin uwẹ da sabọ miẹn elele bhọ, sokpan, hẹi ha re ẹlo gbe ẹsọn nan mun nin uwẹ bhi isiku a. Dọnmhegbe rẹ ha re ewanniẹn ọbhi inọnta bhi ikolo oga. A ha ki do ikolo fo, dọnmhegbe rẹ guanọ ene uwẹ ha khuẹnmhẹn bhi ọta nin ele rẹman la ewanniẹn nin ele re ọbhi inọnta, ọ ha rẹ yi otuọnkpa.
Ebi uwẹ ha rẹ lu ọle yẹ: Muegbe ọbhi otọ. Danlod JW Library® app ọbhi foni la kọmputa nọnsẹ, uwẹ ha fẹ ebi a ha zilo nyan bhi ikolo oga kẹkẹ bhi eji a tiọle “Meetings.”
Emhin ebhebhe ne ha sabọ rẹkpa uwẹ
Tie:
“Why Go to Christian Meetings?” (Bezẹle Nọn Da Khẹke Nin Mhan Ha Yo Ikolo Oga?)