Paul Da Nabhi Okọ Ha Khian IRome

27:23, 24; 28:1, 2, 16, 17

Arẹmiẹn ghe onighan iPaul ha khin, ọle da sẹyẹ wo ha tẹmhọn Osẹnobulua. Ẹghe nin ọle rẹ ha ribhi ẹkẹ okọ nọn ha mun ọlẹn khian iRome, ọle da tẹmhọn Osẹnobulua man ẹbho ne gua ọne okọ bi ẹbho ebhebhe ne ribhi ọne okọ. Ẹghe nin ọne okọ ki rẹ ruẹ bhi Malta, edandan iribhọ ghe, ọle yẹ re ọne isẹhoa nan rẹ tẹmhọn Osẹnobulua man ẹbho ne ha khọnmhọn nin ọle hinmhin bhi enin. Ọ ki sẹ ikpẹdẹ ea nin ọle vae bhi Rome, Paul da tie ikpea nan manman lẹn bhi ene ibhokhan iJew kugbe. Ọle da tẹmhọn Osẹnobulua man ele. Bhi ẹkẹ ene ikpe eva nan rẹ mun ọlẹn khue bhi ẹkẹ uwa nọnsọle, Paul da sẹyẹ ha tẹmhọn Osẹnobulua man ẹbho rebhe ne ha re ẹnẹ ji ọle.

Be uwẹ ha sabọ lu nin uwẹ rẹ tẹmhọn Osẹnobulua aharẹmiẹn ghe idia nin uwẹ ye bha ji uwẹ da ze obọ ze oẹ?