Ọle Da Re Izebhudu Sun Rẹkhan Jehova Bi Devid

IKPIA eva ne ne emhin okhọnlẹn mhọnlẹn hẹn uke oke. Ele khian dọ ne eyokhọnlẹn ọsi Filistia khọnlẹn. Ọkpa bhi ẹwẹ ele hi, Jonatan nin ọmọn nọnsi Sọl nin ojie. Sọl hi ojie ọhẹnhẹn ọsi ibhokhan Izrẹl. Okpia nọnkẹle hi, ọnọn nin Jonatan mun emhin okhọnlẹn mhọnlẹn. Jonatan da taman ọlẹn nin ọle rẹkhan ọlẹn dọ khọn ibhokhan Filistia miotọ. Jonatan da taman ọlẹn yọle: “Emhin soso i ribhọ non ha mun Jehova mhọnlẹn rẹ hinmhin ẹbho nesọle, aharẹmiẹn ẹbho nin ọle noo bun la ele bha bun.” Jehova da rẹman ghe ebi Jonatan tale, ẹmhọanta nọn. Ọle da rẹkpa ene ikpia eva nan rẹ khọn eyokhọnlẹn ọsi Filistia ne bun sẹbhi 20 miotọ! Ọne ebe sunu nan da tuje uwedẹ a nin ibhokhan Izrẹl rẹ sabọ ha khọn ibhokhan Filistia ne bunbun miotọ.

Ọne emhin nọn sunu nan da wo rẹman ghe okpia nọn mhọn izebhudu, ọle Jonatan khin. Igba ne bunbun ọle rẹ rẹman ghe ọle manman wo mhọn izebhudu. Okpia nọn mhọn asun-rẹkhan ọle yẹ khin. Nin ọria rẹ ha mhọn asun-rẹkhan, ọkhẹke nin ọle ha mhọn izebhudu. Bhi ọsi ijiẹmhin, Jonatan wo sun rẹkhan aba ọle nin Sọl. Sokpan, ẹghe nan ki rẹ miẹn ghe Sọl bha yẹ ha hẹnmhọn nin Jehova, yẹ ha lu emhin ebe, ọ da khẹke nin Jonatan re izebhudu rẹ sun rẹkhan Jehova gbera aba ọle.

Ẹghe nin Jonatan rẹ ha bu ikpe 50, ọle da deba Devid ha lu ọmọẹ. Ebe sẹbhi ikpe 30 ọle rẹ diọn Devid. Ọne ẹghe nan Devid rẹ gbe Golayat a nin obhi Filistia. Edandan i ribhọ ghe Sọl bi ẹbho ne bunbun wo ha gẹn Devid. Be ọnan dia Jonatan yẹ bhi egbe? Ọle bha ha mhọn ikhu da Devid hiehie. Ọle bhọ da ne emhin okhọnlẹn nesọle nin Devid, rẹ dọ sẹbhi uhẹn nọnsọle. Emhin nọn ghanlẹn ọne uhẹn nan khin rẹji Jonatan, ọrẹyiriọ, ọle da re ọle lu ẹsele nin Devid. Arẹmiẹn Jonatan wo manman diọn Devid, ele da ve nin egbe ele ghe, ele dẹ ha yi imọẹ rẹ dọ sẹbhi ukpẹdẹ uu. Iriọ ele wo gene lu tee.

Bhi ọsi ọhẹnhẹn, Sọl wo manman hoẹmhọn Devid. Akizẹbue, ẹmhọn Devid bha yẹ ha ti ọle bhọ. Ọle bhọ da ha mhọn ikhu da ọle. Ọle da yẹ ha guanọ nin Jonatan deba ọle ha mhọn ikhu da Devid. Arẹmiẹn Jonatan lẹnmhin ghe, ọ i yi ọle Jehova zẹle nọn ha yi ojie ọsi Izrẹl, ghe Devid Jehova zẹle, ọle bha ha khọẹkẹ. Ọle da sẹyẹ wo sun rẹkhan Devid. Ẹghe nin Sọl rẹ yọle ghe ọle dẹ gbe Devid a, Jonatan da taman aba ọle ghe nin ọle hẹi gbe Devid a, ranmhude ọria esili Devid khin. Izebhudu ọle wo rẹman. Bezẹle nin mhan da ta iriọ? Arẹmiẹn Sọl bhọ ki dọmanlẹn, ọle wo sẹyẹ guẹ ebi a rẹ khọnlẹn yẹ. Ẹdọkpa, ẹghe nin Jonatan rẹ ha ta emhin esili rẹji Devid, aba ọle nin Sọl da ha guanọ nin ọle re opo nọnsọle rẹ gbe Jonatan a. Ọkpakinọn, Sọl da fi ọne opo dọn, ọle bha sabọ gbe Jonatan a. Ọnan da wo manman ba Jonatan bhi egbe, ranmhude aba ọle rẹ ha guanọ nin ọle gbe ọle a. Bhiriọ, Jonatan da bu Devid yẹ dọ taman ọlẹn ghe aba ọle nin Sọl guanọ nin ọle gbe ọle nin Devid a. Ọnan rẹman ghe ọmọẹ nọn mhọn asun-rẹkhan, ọle Jonatan khin. Jonatan da yẹ taman Devid ghe nin ọle gbẹloghe azagba-uwa nọnsọle sade emhin sunu je ọle.

Ranmhude Sọl guanọ nin ọle gbe Devid a, Devid da nẹgbe sibhi ọne agbaẹbho re. Sọl bi eyokhọnlẹn nesọle da khu rẹkhan Devid. Ọnan da re Devid dọ ha nẹko bhi ije kẹkẹ. Jonatan be rẹkhan aba ọle ha khu Devid khian? Baibo bha taman mhan si ọle rẹkhan ele yo. Sokpan mhan dẹ sabọ yọle ghe ọle bha deba ele. Ẹdọkpa, Jonatan da lẹn eji Devid da nẹko. Bhiriọ, ọle da ha khian nin ọle dọ fẹ ọmọẹ ọle ghe. Bezẹle? Beji ọle ha ‘da rẹkpa Devid rẹ miẹn ahu bhi obọ Jehova.’ Ọle da taman Devid yọle: “Hẹi ji ofẹn mun uwẹ, ranmhude aba mẹn nin Sọl i da sabọ miẹn uwẹ; uwẹ dẹ ha yi ojie ọsi Izrẹl, imẹn ki kiẹn ọnọn zẹ sike uwẹ.” Ọle ki ta ọnan fo, ọle da ha khian uwa; ọne ukpẹdẹ nin ele veva ki miẹn egbe sẹ.

Akizẹbue, Jonatan da deba aba ọle nin Sọl ha khọn eghian nesi Jehova ne yi ibhokhan Filistia. Arẹmiẹn Sọl lu ọnan, ọria ebe ọle sẹyẹ khin. Ọle da fikekegbe Jehova yẹ ha ne abọ ọbhi ilọnmhọn-ikpẹbo. Ọnan da re Jehova zẹ Sọl obọ. Ẹghe nin ọle rẹ ha ne ibhokhan Filistia khọnlẹn, ele da manman kuan ọlẹn. Bhiriọ, ọle da gbe egbọle a. Imọn ea nesọle rẹ dọ sẹbhi Jonatan da yẹ yu bhi ọne okhọn.

Uyumhin nọnsele da wo manman ba Devid bhi egbe. Ọle da gbẹn illo nọn tẹmhọn ebi uyumhin ọsi ọmọẹ ọle rẹ ba ọle bhi egbe yẹ, bi ebi ọle hoẹmhọn ọlẹn sẹ yẹ. Ọle da tie ọne illo “Ọne Uhẹn.” Asabọmiẹn ebezẹle nin ọle da tie ọne illo “Ọne Uhẹn” hi, ranmhude, ọle yere ọne uhẹn nin Jonatan rẹ lu ẹsele nanlẹn bhi ikpe ne bunbun ne gbera. Ọle da gbẹn yọle: “Obhio mẹn nin Jonatan, mẹn wo lu akhiẹ ranmhude uwẹ. Ọnọn manman daan mẹn uwẹ rẹ ha khin.” Beji Devid kiẹn ojie fo, ọle da dọ guanọ ọria nọn na azagba-uwa ọsi Jonatan vae nọn sẹyẹ ribhi agbọn. Ọle da miẹn Mẹfiboshẹt nin ọmọn nọnsi Jonatan. Akhun ọle khin. Devid da re Mẹfiboshẹt sikẹ egbe nọn ha nyẹnlẹn sikẹ ọle bhi Jerusalẹm. Ọle ki wo ha gbẹloghe ọle khian. Ọle da wo mun ive nin ọle ve nin Jonatan sẹ.

Tie ọne okha bhi Baibo:

• 1 Samuel 13:​2, 19-23; 14:​1-15; 16:21; 18:​1-9; 19:​4-6; 20:​1-42; 23:​16-18; 28:​6-8; 31:​1-6

• 2 Samuel 1:​17-27; 9:​1-7

Inọnta:

Uwedẹ nela Jonatan rẹ re izebhudu man?

Manman Guanọ Otọle

1. 1. Hela Ibhokhan Filistia ha khin? (w95 2/1 31)

   Ewanniẹn nọnsẹ

2. 2. Be ebe a gbẹn ọbhi 1 Samuel 13:21 rẹ rẹman yẹ ghe ebi Baibo tale, ẹmhọanta nọn? (w05 3/15 29) 1

   Ewanniẹn nọnsẹ

   

Todd Bolen/BiblePlaces.com

1. 4. Devid da yọle ghe ọle dẹ gbẹloghe azagba-uwa ọsi Jonatan. Be ọle lu nin ọle rẹ sabọ mun ọne ive nin sẹ? (it “Mẹfiboshẹt” Nọnzi 2 ¶1)

   Ewanniẹn nọnsẹ

Ria Eria Nyan Emhin Nin Uwẹ Luẹle

• Jonatan da sun rẹkhan Jehova gbera aba ọle nin Sọl. Idia nela mhan ha da yẹ rẹman ghe mhan sun rẹkhan Jehova gbera emhin nọn hi ki rẹ khin? 3

  Ewanniẹn nọnsẹ

  

• Be okha ọsi Devid bi Jonatan man uwẹ le rẹji . . .

  • ẹmhọn ikolu?

    Ewanniẹn nọnsẹ

  • idegbere?

    Ewanniẹn nọnsẹ

  • asun-rẹkhan?

    Ewanniẹn nọnsẹ

• Uwedẹ ebhebhe nẹla uwẹ ha rẹ sabọ re egbe khọkhọ Jonatan bhi izebhudu nin ọle rẹman?

  Ewanniẹn nọnsẹ

Ria Ẹmhọn Jehova Bi Iho Nọnsọle

• Be ọne okha nan man mẹn le rẹji Jehova?

  Ewanniẹn nọnsẹ

• Be ọne okha nan rẹ diẹn mun iho nọnsi Jehova yẹ?

  Ewanniẹn nọnsẹ

• Be mẹn ha nọọn Jonatan le sade a riọ ọle kpanọ bhi uu?

  Ewanniẹn nọnsẹ

Sẹyẹ Fẹ Ene Emhin Nan Ghe

Be rẹkpa Jonatan bi Devid rẹ ko ha yi imọẹ ne manman sikẹ egbe? Be imhan ha rẹ sabọ ha yi imọẹ ne dia iriọ yẹ ẹlẹnan?

“Bha Hẹi Zobọ Bhọ Rẹ Ha Re Ẹkẹ-ẹjẹjẹ Man” (w21.01 20-25)

Rẹkpa imọn nesẹ rẹ lẹn okha ọsi Jonatan bi ebi ele ha sabọ miẹn luẹ bhọ.

“Jonatan” (Kadi nan rẹ tẹmhọn eria bhi Baibo)