Ọle Bha Ha Ria Ẹmhọn Ebi Ọle Fikekegbe

SERA da bọ Ebraham nọn yi okpia nin ọle hoẹmhọnlẹn. Ele da ha nyẹnlẹn bhi udede agbaẹbho natiọle Ọr, nan gbe ogbe nọn yoyo nẹga nọn sikẹ Ẹdẹ ọsi Yufretis, bhi otọ Shaina. Ẹbho ne nyẹnlẹn bhi ọne agbaẹbho nan da wo ha ga ẹbọ. Ọkpakinọn, Ebraham wo dikẹ. Ọle da ha ga Jehova nin Osẹnobulua ọsi ẹmhọanta. Sera bhọ da yẹ ha mhọn urẹọbhọ da Osẹnobulua. Ẹdọkpa, Sera da kuẹlo da idia nọn dọnmhẹn urẹọbhọ bi izebhudu nọnsọle. Be bhọ sunu?

Ebraham da taman Sera ghe Jehova nanlẹn talọ! Asabọmiẹn ọnan wo re Sera ha ghọnghọn. Ọkpakinọn, ebi Jehova taman Ebraham nin ọle lu i da zẹwẹ lẹkhẹ. Ọ da khẹke nin Ebraham bi Sera sibhi uwa nọnsele re bhi Ọr, yẹ zẹ ibhio ele obọ ha khian agbaẹbho nọn manman ree. Ele dẹ ne eguọmhandia nọnsele rẹkhan egbe, yẹ noo kẹtẹkẹtẹ rẹ khian okhian nọn ree, sẹyẹ, ele dẹ ha nyẹnlẹn bhi ibọkpọ. Bhiriọ, Sera i yẹ da ha nyẹnlẹn bhi agbaẹbho nan gbe ogbe nẹga, nin ene eyokulo gbega. Sẹyẹ, ọle i yẹ da ha nyẹnlẹn bhi udede uwa nin amẹn ye, la nin emhin nekẹle ye nan rẹ sọnyẹnmhẹn. Ọle i yẹ da sabọ diọbhi ẹki nọn ribhi Ọr dọ dẹ ebale bi emhin nekẹle nin ọle guanọ. Ene ọnọghọ da wo ha bun. Ọrẹyiriọ, Sera da ka nin ọle rẹ kpanọ. Ọle da mun udu nyan Jehova, bhiriọ ọle da ne ihẹ nesọle yẹ gbe ọkinbue nin azagba-uwa nọnsọle bi imọẹ ọle. Ọle da rẹkhan ọdọ ọle ha khian eji ele bha lẹn.

Sera da yẹ re izebhudu man bhi uwedẹ ọbhebhe. Pọl nin odibo da ta ọne ọta nan rẹji Sera bi ọdọ ọle. Ọle da yọle: “Sade, ele sẹyẹ wo ha ria ẹmhọn eji ele da kpanọ ha vade, ele ha sẹyẹ miẹn isẹhoa rẹ fikie.” (Hib. 11:15) Sera ha rẹ sabọ ha ria eria nyan ebi ọle rẹ ha sọnyẹnmhẹn yẹ bhi Ọr, bi ebi ọle rẹ ha mhọn ugbega yẹ. Ọkpakinọn, ọle da re izebhudu fikekegbe ene emhin nan.

Ẹghe nin ele ki rẹ sẹbhi otọ Kenan, Sera da dọ kere ghe, ọne agbaẹbho i mhọn udede ẹdẹ bọsi Ẹdẹ ọsi Yufretis nin ẹbho ne do ẹki da muno ebale bi emhin nekẹle vae nin ele dẹ. Bhiriọ, ẹghe nin ukhunmhun ki rẹ ha fi bhi otọ Kenan, ele da kpanọ. Sera bha noo ọne ẹghe nan rẹ ha taman ọdọ ọle nin ele fikie ha khian Ọr. Sokpan, ọle da rẹkhan ọdọ ọle ha khian otọ Ijipt.

Ranmhude Sera wo manman mhọnse, Ebraham da ha mun ofẹn ghe ọria dẹ gbe ọle a miẹn ọlẹn okhuo. Ebraham da ki taman Sera ghe nin ọle man ha lu bii obhio ọle. Ọrẹyiriọ, ele da sẹyẹ nabhi ẹmhọn bhi ẹghe nin ojie ọsi Ijipt rẹ lẹn ghe Sera manman mhọnse. Ọle da je nan dọ re Sera re nin ọle dọ ha nyẹnlẹn bhi eguale nọnsọle. Iẹnlẹn nan nyẹnlẹn bhi eguale ọsi ojie, bhọ dẹ mhẹn Sera bhi egbe gbera nan rẹ ha na bhi agbaẹbho kẹkẹ la wẹ bhi ibọkpọ. Sera be zẹ nin ọle rẹ zẹ Ebraham obọ dọ ha sọnyẹnmhẹn bhi uwa ọsi ojie ọsi Ijipt? Eye. Ọle da re izebhudu man, yẹ ha mhọn urẹọbhọ da Osẹnobulua. Bhiriọ, Jehova da hinmhin ọlẹn! Ọ bha bue gbe, ọle da fikie bu ọdọ ọle.a

Jehova da ve ghe agbaẹbho nọn khua dẹ na obọ Ebraham vae. Ọkpakinọn, Sera bhọ bha sẹ sabọ biẹ ọmọn. Ọnan bha re ọle ha ghọnghọn. Ikpe ne bunbun ki gbera beji ele rẹ ha nyẹnlẹn bhi Kenan, Jehova da re ihaosa nin Sera. Arẹmiẹn ọle ribhi ikpe 90, Jehova da lu ọle nin ọle sabọ biẹ ọmọn. Ọnan hi ebi ọle mọn da guanọ! Jehova da yọle nin ele ha tie ọne ọmọn Aiziki, ranmhude ọne elin mundia nin “Ojiẹ.” Elin nọn khẹke wo khọnan, ranmhude Ebraham bi Sera ka wo ha jiẹ ẹghe nin ele rẹ lẹn ghe ele dẹ biẹ ọmokpia. Sẹyẹ, Sera da wo rẹọbhọ ghe ẹbho dẹ deba ọle ha jiẹ sade ele dọ họn ebi Jehova lu nanlẹn.

Sera wo tọ rẹ sabọ bẹẹ ọmọn nọnsọle wanre, yẹ daghe ebi ọne ọmọn rẹ dọ hoẹmhọn Osẹnobulua yẹ. Ranmhude inẹn nọn mhọn oyẹẹ Sera khin, ọle da sabọ re izebhudu gbega ọmọn nọnsọle. Rẹ dọ sẹbhi ukpẹdẹ nin ọle yu, ọle bha ha ria ẹmhọn emhin nin ọle fikekegbe. Sokpan, ọle da wo ha khuaẹloghe ẹghe odalo nọn mhẹn. Ive nin Jehova ve nin Sera bi azagba-uwa nọnsọle bha sira ele munsẹ, ọkpakinọn mhan rẹọbhọ ghe ele dẹ munsẹ!

Tie ọne okha bhi Baibo:

• Genesis 12:​1-20; 15:18; 16:​1, 2; 17:​3-8, 15-19; 18:​9-15; 20:​1-17; 21:​1-13

• Iwẹnna 7:​1-7

Inọnta:

Uwedẹ nela Sera rẹ re izebhudu man?

Manman Guanọ Otọle

1. 1. Sera da bọ Ebraham arẹmiẹn aba ọkpa ele ko mhọnlẹn. Emhin ebe ele be lu? (wp17.3 12 ¶5, ftn.)

   Ewanniẹn nọnsẹ

2. 2. Tẹmhọn emhin nin Sera fikekegbe bhi Ọr. (wp17.3 13 ¶3–14 ¶2) 1

   Ewanniẹn nọnsẹ

   

   Photograph taken by courtesy of the British Museum

3. 3. Be rẹman ghe emhin ẹwanlẹn Ebraham lu, ẹghe nin ọle rẹ taman Sera nin ọle man ha lu bii obhio ọle? (wp17.3 14 ¶6–15 ¶2)

   Ewanniẹn nọnsẹ

4. 4. Arẹmiẹn Sera wo ha degbere nin ọdọ ọle, ọnin be rẹman ghe ọle bha ha ta ebi ri ọle bhi ọkhọle dagbare? Gbotọle fanọn an. (g 1/08 29 ¶4-5) 2

   Ewanniẹn nọnsẹ

   

Ria Eria Nyan Emhin Nin Uwẹ Luẹle

• Tẹmhọn Sera bi okhuo Lọt.

  • Uwedẹ nela ele rẹ khọ egbe? (Gen. 12:1; 13:​5-7; 19:​12, 15)

    Ewanniẹn nọnsẹ

  • Uwedẹ nela ele rẹ dikẹ? (Gen. 19:​17, 26; Luk 17:​28-32)

    Ewanniẹn nọnsẹ

  • Be mhan miẹn luẹ bhi ebi ele zẹ rẹ lu bi ebi emhin rẹ kiọnlẹn nin ele yẹ?

    Ewanniẹn nọnsẹ

• Okhuo nọn mhọnse Sera ha khin, sẹyẹ ọdọ ọle da wo fe. Ijiẹmhin nela ele re ọbhi otọ nin mhan rẹji ẹlo nọn khẹke nin mhan rẹ ha ghe afe bi ua nọnsẹmhan? (Prov. 31:30; 1 Tim. 6:​17-19)

  Ewanniẹn nọnsẹ

• Be uwẹ ha rẹ sabọ re egbe khọkhọ Sera yẹ bhi uwedẹ nin ọle rẹ re izebhudu man? 3

  Ewanniẹn nọnsẹ

  

Ria Ẹmhọn Jehova Bi Iho Nọnsọle

• Be ọne okha nan man mẹn le rẹji Jehova?

  Ewanniẹn nọnsẹ

• Be ọne okha nan rẹ diẹn mun iho nọnsi Jehova yẹ?

  Ewanniẹn nọnsẹ

• Be mẹn ha nọọn Sera le sade a riọ ọle kpanọ bhi uu?

  Ewanniẹn nọnsẹ

Sẹyẹ Fẹ Ene Emhin Nan Ghe

Ikhuo ọkpa ha be sabọ miẹn emhin luẹ bhi obọ Sera? Ene ọdọ dẹ bẹ yẹ sabọ miẹn emhin luẹ bhi ijiẹmhin ọsi Sera?

Luẹ Emhin Bhi Obọ Ele—Sera (6:27)

Zilo nyan ebi Sera bi Ebraham lu nọn rẹkpa ele rẹ ha mun ekpẹn nin egbe.

“Wo Ji ‘Eranlẹn ọsi Jah’ Ha To bhi Ibọdọ bi Ire-okhuo Nọnsẹ” (w23.05 24-25 ¶15-17)