Ebi A Ha Luẹ Bhi Obọle Nọnzi 13

Jesu da vae bhi ọne otọ nan dọ re iẹnlẹn nọnsọle rẹ zọese nin eria nọn bha gba nan. Ọle da wo khọn ọne agbọn nan miotọ arẹmiẹn ghe ọle yumhin. Jehova bha zẹ Ọmọn nọnsọle obọ, sẹyẹ, Ọle da riọ ọle kpanọ bhi uu. Jesu wo ha rẹkpa ẹbho yẹ rẹhunmhan ẹbho rẹ dọ sẹbhi ukpẹdẹ uu nọnsọle. Beji a riọ Jesu kpanọ bhi uu fo, ọle da zegbere man edibo nesọle. Ọle da man ele ebi ele ha rẹ ha lu ọne iwẹnna kpataki yẹ nin ọle mun nin ele. Ahamiẹn aba la inẹn uwẹ khin, rẹkpa ọmọn nọnsẹ rẹ lẹn ghe, ọne ẹsọn nan sẹyẹ khẹke mhan ẹlẹnan.