Ebi A Ha Luẹ Bhi Obọle Nọnzi 3

Ikpe eso beji ọne okpamẹn rọ fo, ikpeta ẹbho ọkpa Baibo tẹmhọnlẹn ghe ele ga Jehova. Ọkpa bhi ene ẹbho nan da ha yi Ebraham, nan yẹ ha tiọle ọmọẹ Jehova. Bezẹle nan da tie Ebraham ọmọẹ Jehova? Ahamiẹn aba la inẹn uwẹ khin, rẹkpa ọmọn nọnsẹ rẹ daghe ọle ghe, ẹmhọn ọlẹn rẹtẹ Jehova, sẹyẹ, Ọle guanọ nin Ọle rẹkpa ọle. Mhan dẹ sabọ bhii Jehova bhi ẹghe nọn hi ki rẹ khin nin ọle rẹkpa mhan, beji Ebraham, bi ikpea nekẹle ne ga nọnsẹn lu, ikpea bii Lọt bi Jobu. Mhan dẹ sabọ rẹọbhọ ghe, Jehova dẹ mun ive rebhe nin ọle vele sẹ.