Ebi A Ha Luẹ Bhi Obọle Nin 1

Okha ọsi ebi Osẹnobulua rẹ man emhin kẹkẹ yẹ, ọle a rẹ mun Baibo hẹn. Ọne okha rẹkpa mhan rẹ lẹn ene emhin kẹkẹ ne mhọn ose a nin Osẹnobulua man ne ribhi otọ bi okhun. Ahamiẹn aba la inẹn uwẹ khin, rẹkpa ọmọn nọnsẹ rẹ daghe ose ne ribhi emhin kẹkẹ nin Osẹnobulua manlẹn. Rẹkpa ọle rẹ lẹn ghe Jehova man eria nin ele khua okhun gbera elanmhẹn, ọle man ele nin ele sabọ ha talọ, ha ria eria, ha man emhin, ha so illo, yẹ nan erọnmhọn. Rẹkpa ọle rẹ ji ahu bi ẹwanlẹn nọnsi Jehova ha ti ọle bhọ, manman nọn, oyẹẹ nin ọle mhọn da emhin rebhe nin ọle manlẹn, rẹ do sẹbhi ọde-ọde bhi ẹwẹ mhan.