Ebi A Ha Luẹ Bhi Obọle Nọnzi 9

Bhi ọne obọle nan, mhan dẹ luẹ emhin bhi obọ elasẹre, ene akhasẹ, bi ene ijie ne manman re urẹọbhọ man. Bhi Siria, obhi ọmanmhẹn nọn yi obhokhan Izrẹl da rẹman ghe, ọle rẹọbhọ ghe, akhasẹ nọnsi Jehova dẹ sabọ re egbe daan Neman. Ẹlaisha nin akhasẹ da wo manman rẹọbhọ ghe Jehove dẹ gbega ọle bhi obọ eyokhọnlẹn ne yi eghian ọlẹn. Jehoiada nin Ojohẹn da mun iẹnlẹn nọnsọle ọbhi okhẹnan, nin ọle rẹ sabọ gbega Jehoash bhi obọ odede ọle nin Atalaya nọn i mhẹn. Hẹzẹkaya nin Ojie da rẹọbhọ ghe Jehova dẹ gbega Jerusalẹm, sẹyẹ, ọle bha ji ofẹn ibhokhan Asiria ha mun ọlẹn. Josaya nin Ojie da re ọkpẹnlẹn ọbhi igẹbọ bhi otọ Izrẹl rebhe, yẹ hẹnhẹn uwa oga nọnsi Jehova. Sẹyẹ, ọle da lu ọle nin ọrebhe bhi ọne agbaẹbho ha ga Jehova bhi uwedẹ nọn gbale.