Ebi A Ha Luẹ Bhi Obọle Nọnzi 4

Bhi ọne obọle nan, mhan dẹ luẹ ẹmhọn Josẹf, Jobu, Mozis bi ibhokhan Izrẹl. Ele rebhe wo manman loya bhi obọ Esu. A da lu eso khọlọ, mun eso ọbhi ighan, re eso kiẹn igbọn, sẹyẹ, eria nin eso bhi ẹwẹ ele hoẹmhọnlẹn bhọ da yu. Ọrẹyiriọ, Jehova da noo uwedẹ kẹkẹ rẹ gbega ele. Ahamiẹn aba la inẹn uwẹ khin, rẹkpa ọmọn nọnsẹ rẹ daghe ebi eguọmhandia nesi Jehova yẹ rẹ ha ga Jehova yẹ arẹmiẹn ele loya.

Jehova da noo oya igbe rẹ rẹman ghe ọle mhọn ahu nẹ osẹ rebhe ọsi ibhokhan Ijipt. Re otọle man ebi Jehova rẹ gbega ẹbho nesọle yẹ bhi ẹghe nọn gbera bi ebi ọle rẹ lu iriọ yẹ ẹlẹnan.