Bezẹle Nan Da Tie Mhan Esali Jehova?

Ẹbho ne bun bun riale ghe Esali Jehova, ọle hi elin agbotu nan la mun gbọ. Bhi ikpe ne gbera 2,700, ‘Esali’ a tie ene ka ga Osẹnobulua ọsi emhọn-ata. (Isaiah 43:10-12) Ọkuẹ si ukpe 1931, elin nan rẹ lẹn mhan hi Ene Luẹ IBaibo. Bezẹle nin mhan da miẹn ọnin elin Esali Jehova ọbhi egbe?

Ọrẹman Osẹnobulua nin mhan ga. Bhi Baibo nan wọ ka gbẹn, elin nọnsi Osẹnobulua nin Jehova zi egbe re bhi ijianlẹn ne bunbun. Bhi Baibo kikẹ, agbẹn Ebealẹn la Osẹnobulua fiọ bhi eji arẹ ka gbẹn Jehova i. Ọrẹdia iriọ, Osẹnobulua nin ẹmhọn-ata ika ri elin ọle nin Jehova rẹ re egbe man Mozisi, ọyọle: ‘Ọnan elin mhẹn rẹ sẹbhi ighegheghe.’ (Exodus 3:15) Ọnin uwedẹ nan ọle rẹ re egbe ọle dikẹ bhi elin osẹ ohoghe. Mhan ghọnghọnmhin nin mhan rẹ noo elin nọn khiale nọnsi Osẹnobulua.

Ọri iwẹnna nin mhan lu man. Rẹ nin egbe Ebẹl ha vade, ẹbho eso bhi ore nẹdẹlẹ sẹ ọsali ọbhi urẹọbhọ nele mhọn da iJehova. Bhi ọnin ore nin, Noa, Ebrahamu, Sera, Mozisi, bi Devidi deba ‘usun esali ne bun.’ (Hebrews 11:4–12:1) Beji ọria rẹ sẹ ọsali nin ọria nọn bha lu emhin soso bhi ikotu, iriọ ọrẹ ti mhan bhọ nin mhan rẹ ri ẹmhọn-ata nọnsi Osẹnobulua man.

Mhan re egbe ta iJesu. Baibo tie ọle ‘ọsọsali ẹmhọn-ata nan gba ẹkẹ ọle.’ (Revelation 3:14) Jesu tobọle tale ghe ọle ri elin ‘nọnsi Osẹnobulua man bi ole sẹ ọsali rẹji ẹmhọn-ata nọnsi Osẹnobulua.’ (John 17:26; 18:37) Ọkhẹke nin ene gene rẹkhan Jesu rẹ ha noo elin nọnsi Osẹnobulua, eki yẹ rọ ha man ẹbho. Ọyẹẹ Esali Jehova rẹ ha lu ọnan.

• Bezẹle nin mhan da miẹn ọnin elin Esali Jehova ọbhi egbe?

• Rẹ nin ẹghe la iJehova rẹ ha mhọn esali bhi ọnin otọ nan?

• Họbhọ ọsali Jehova nọn kokhun nẹ?