Joshua
11 Bhiriọ, bha gbẹlokotọ bhi emhin nin bha lu ẹghe rebhe nin bha da ha hoẹmhọn iJehova nin Osẹnobulua nọnsẹbha. 12 “Sokpan ahakimiẹn ghe, ibha da fikie yẹ sun rẹkhan emhin ne kẹre bhi ẹwẹ ene agbaẹbho ne ribhi eji bha ye, sẹyẹ ghe, ibha da ha bọ egbe yẹ deba ele ha lu imọẹ, nin ele yẹ deba ibha ha lu imọẹ, 13 bha lẹn sẹbhọ ghe, Jehova nin Osẹnobulua nọnsẹbha ki gene zobọ bhọ rẹ ha khu ene agbaẹbho fia nin bha. Ele ki kiẹn ufi bi akube bi ọkakale bhi ohian-egbe nọnsẹbha, ele ki yẹ kiẹn igbẹn bhi ẹlo nọnsẹbha rẹ sẹbhọ ghe bha ki fuẹn an bhi ọne otọ nọn mhẹn an nan nin Jehova nin Osẹnobulua nọnsẹbha mun nin bha. 14 “Ghọle! Ejayenan nian, mẹn dẹ kẹ yu. Ibha tobọbha re ọkhọle nọnsẹbha rebhe bi egbe nọnsẹbha rebhe lẹn sẹbhọ ghe, ọkpa i ribhi ene ive ne mhẹn rebhe nin Jehova nin Osẹnobulua nọnsẹbha ve nin bha nọn bha munsẹ. Ele rebhe munsẹ nin bha. A bha miẹn ukpọkpa nọn bha munsẹ