Joshua
2 Joshua da taman ene ẹbho rebhe yọle: “Ọnan hi ebi Jehova nin Osẹnobulua ọsi Izrẹl tale, ‘Obọ nọnkẹle ọsi ọne Ẹdẹ, ọle aba ibha odede nin Tera nin aba Abraham bi aba iNahor da ha nyẹnlẹn bhi ẹghe nọn reele nọn gbera. Ele da ha ga osẹ ebhebhe. 14 “Bhiriọ, bha mun ofẹn iJehova yẹ re ọkhọle rebhe sun rẹkhan ọlẹn. Ibha ha yẹ re uwedẹ ẹmhọanta ha ga ọle. Osẹ nin aba bha nin odede ka ha ga bhi obọ nọnkẹle ọsi ọne ẹdẹ bi bhi Egypt, bha ne ele sibhi ẹwẹ bha re, bha ha dọ ha ga iJehova. 15 Ejayenan nian, ahamiẹn bha ghe ọle bii emhin ọbe nan rẹ ga iJehova, bha tobọbha zẹ ẹlẹnan nian, ọne ibha ha ga, si osẹ nin aba bha nin odede ka ha ga bhi obọ nọnkẹle ọsi ọne ẹdẹ nọn, la si osẹ ọsi Am′or·ites nin bha ribhi otọ nọnsele ẹlẹnan. Ọkpakinọn, bhi ọsẹmhẹn bi ẹbho ne ribhi azagba-uwa nọnsẹmhẹn, iJehova mhan ha ga.” 16 Bhiriọ, ene ẹbho rebhe da wanniẹn yọle: “Ebe ha re imhan fi ikeke gbe iJehova dọ ha ga osẹ ebhebhe iribhọ ghẹdẹ. 31 Ibhokhan Izrẹl da wo ha ga iJehova ikpẹdẹ rebhe nin Joshua rẹ ha nyẹnlẹn, bi ikpẹdẹ rebhe ọsi ewanlẹn ne tọ gbera iJoshua, ne yẹ lẹn emhin rebhe nin Jehova lu nin Izrẹl.