Leviticus

9 Bhi ukpẹdẹ nọnzi elẹnlẹn, Moses da tie Aaron bi imọn nesọle bi ene ewanlẹn ọsi Izrẹl. 2 Ọle da taman Aaron yọle: “Mun obhi ẹmena nin egbe gba nan nin uwẹ ha rẹ lu izọese ọsi olukhọ bi ogho-ohuan nin egbe gba nan nin uwẹ ha rẹ lu izọese nan tuẹ a, uwẹ ha mun ele vae bhi odalo iJehova. 3 Ọkpakinọn, uwẹ ha taman ibhokhan Izrẹl yọle, ‘Mun obhukhọ nọn yi ukpe ọkpa rẹ lu izọese ọsi olukhọ, sẹyẹ mun obhi ẹmena nọn yi ukpe ọkpa bi obhi ohuan nọn yi ukpe ọkpa, ene egbe gba nan, rẹ lu izọese ọsi emhin nan tuẹ a. 4 Ibha ki yẹ mun ogho-ẹmena bi ogho-ohuan nan ha rẹ lu izọese ọsi ọfure, rẹ lu izọese bhi odalo iJehova, bi izọese ọsi emhin-ekọnọ nan re abhii gua, ranmhude, Jehova dẹ re egbe ọle man bha ẹlẹnan.’” 5 Ele da ne emhin rebhe nin Moses tẹmhọnlẹn vae bhi ọne ibọkpọ ọsi oga. Bhiriọ, ibhokhan Izrẹl rebhe da vae dọ mundia bhi odalo iJehova. 23 Bhi ọkike ọle, Moses bi Aaron da nabhi ẹkẹ ọne ibọkpọ ọsi oga yẹ dagbare. Ele da yẹ nan erọnmhọn nin ene ẹbho. Bhiriọ, uyi nọnsi Jehova da zegbere man ene ẹbho rebhe. 24 Sẹyẹ, eranlẹn da na obọ iJehova vae yẹ tuẹ ọne izọese nan tuẹ a bi ene abhii elanmhẹn ne ribhi ọne ukhuo-izọese. Ene ẹbho rebhe ki daghe ọle, ele da ha so, ele da dehianre yẹ gbe uhọnmhọn kotọ.