Exodus

7 Jehova ki da taman iMoses yọle: “Ghọle, mhẹn re uwẹ diabe Osẹnobulua bhi eji Pharaoh ye, Aaron nin obhio ẹ ki kien akhasẹ reji uwẹ. 2 Ọta nin mhẹn ha taman uwẹ rebhe, uwẹ dẹ tale, Aaron nin obhio ẹ ki nin Pharaoh ha talọ. Ọle ki fan ibhokhan Israel fia bhi ẹbho nọnsọle. 3 Bhi ọsẹmhẹn, mhẹn dẹ ji udu nọnsi Pharaoh re zeze a, mhẹn ki re iyaman nesẹmhẹn bi emhin ne han-ilo man bhi otọ Egypt. 4 Ọkpakinọn, Pharʹaoh ida ka bha ehọ. Mẹn ki re obọ nọnsẹmhẹn nyan Egypt, yẹ re ibhohiẹn nọn khua rẹ ne usun ẹbho nesẹmhẹn, ẹbho nesẹmhẹn, ibhokhan Izrẹl sibhi otọ Egypt re. 5 Ibhokhan Egypt ki gene dọ lẹn ghe, imẹn hi Jehova, ẹghe nin mẹn ha rẹ niẹn obọ nọnsẹmhẹn an da Egypt rẹ ne ibhokhan Izrẹl dagbare bhi ẹwẹ ele.” 6 Moses bi Aaron da lu beji Jehova taman ele; iriọ ele wo lu tee. 7 Ikpe 80 Moses khin, Aaron da ha yi ikpe 83, bhi ẹghe nin ele rẹ nin Pharaoh talọ.