Genesis

17 Ẹghe nin Aʹbram rẹ ha yi ikpe 99, Jehova da re egbe man Aʹbram yẹ taman ọlẹn yọle: “Mẹn hi Osẹnobulua nọn Ke Okhun Nẹ. Ha khian bhi uwedẹ nọnsẹmhẹn, uwẹ ha yẹ ha lu emhin nọn gbale ẹghe rebhe. 2 Imẹn dẹ mun akovẹn nin mẹn deba uwẹ ve sẹ. Mẹn dẹ ji imọn nesẹ manman bunbun bhi ọne otọ nan. 3 Ẹghenin, Aʹbram da digue bhi otọ, yẹ deuhọnmhọnre. Osẹnobulua da sẹyẹ ha ne ọle talọ yọle: 4 “Bhi ọsẹmhẹn, uwẹ mẹn deba ve akovẹn. Uwẹ dẹ gene kiẹn aba ọsi agbaẹbho ne bunbun. 5 Elin uwẹ ida yẹ ha yi Aʹbram; Abraham elin uwẹ ki da ha khin, ranmhude, mẹn dẹ re uwẹ kiẹn aba ọsi agbaẹbho ne bunbun. 6 Imẹn dẹ lu ọle nin uwẹ da sabọ biẹ imọn ne bunbun. Mẹn ki yẹ ji agbaẹbho ne bunbun bi ijie ne bunbun na bhi ulin-uwa nọnsẹ vae. 15 Osẹnobulua da yẹ taman Abraham yọle: “Rẹji Sarʹai nin okhuo ẹ, hẹi yẹ tie ọle Sarʹai, ranmhude, Sarah ki hi elin nọnsọle. 16 Mẹn dẹ nan erọnmhọn nanlẹn, yẹ na obọ ọle re ọmọn okpea nin uwẹ; mẹn dẹ nan erọnmhọn nanlẹn, ọle ki kiẹn inẹn ọsi agbaẹbho ne bunbun; ijie ne ha gbẹloghe ẹbho ne bunbun ki na obọ ọle vae.”