Fiskinet á biblíutímanum

Sumir lærisveina Jesú unnu við fiskveiðar. (Mark. 1:16–20) Þeir veiddu fisk í net í Galíleuvatni.

Fiskinet voru búin til með því að hnýta saman seglgarn eða hörþræði. Möskvastærðin miðaðist við fiskinn sem átti að veiða. Í smærri net voru oft festir steinar til að þyngja þau en stór dragnet voru þyngd að neðan en efst voru sett flotholt úr tré eða korki.

Fiskinet voru dýr. Grjót á botninum gat skemmt þau og þau gátu rifnað undan mjög mikilli veiði. (Lúk. 5:6) Í Biblíunni er sagt frá því þegar Jakob og Jóhannes voru að „bæta netin“ – líklega með því að nota nál og hörþráð. (Matt. 4:21) Fiskimenn þurftu líklega að bæta netin eftir hvern róður. Lúkas talar líka um fiskimenn sem „voru að þvo netin“ til að hreinsa úr þeim rusl og leðju. (Lúk. 5:2) Síðan hengdu þeir netin upp til þerris, líklega til að koma í veg fyrir að þau fúnuðu. – Esek. 47:10.

Jesús bauð mönnum sem kunnu að veiða í net að „veiða menn“.