Mee Ka Obi Sie Gị Ike na Jehova Ga-azọpụtali Gị

Gụọ Ọnụ Ọgụgụ 13:25–14:4 ka ị hụ otú ndị Izrel si gosi na ha atụkwasịghị Jehova obi.

Matakwuo ihe ndị merenụ. Gịnị mere obi ji kwesị isi ndị Izrel ike na Jehova ga-azọpụtali ha mgbe ha si n’Ijipt pụọ? (Ọma 78:12-16, 43-53) Gịnị mere ha ji kwụsị ịtụkwasị Jehova obi? (Diut. 1:26-28) Olee otú Joshụa na Keleb si gosi na ha tụkwasịrị Jehova obi?​—Ọnụ Ọgụ. 14:6-9.

Mekwuo nchọnchọ. Gịnị ka ndị Izrel gaara eme ka obi sikwuo ha ike na Jehova ga-azọpụtali ha? (Ọma 9:10; 22:4; 78:11) Olee otú ịtụkwasị Jehova obi si gbasa ịkwanyere ya ùgwù?​—Ọnụ Ọgụ. 14:11.

Chee ihe ndị ọ na-akụziri gị. Jụọ onwe gị, sị:

• ‘Olee oge ndị o nwere ike isiri m ike ịtụkwasị Jehova obi?’

• ‘Gịnị ka m ga-eme ka m tụkwasịkwuo Jehova obi ugbu a nakwa n’ọdịnihu?’

• ‘Gịnị ka obi siri m ike na ya ka oké mkpagbu ji ọsọ na-abịa?’​—Luk 21:25-28.