“Onyinye Si n’Aka Chineke”

Anyị na ụmụnna anyị ịnọkọ na-agba anyị ume. Ma, ihe anyị ga-eme iji gbaa ibe anyị ume abụghị naanị anyị na ụmụnna anyị ịnọkọ. Baịbụl kpọrọ anyị na ụmụnna anyị ịgba ibe anyị ume “onyinye si n’aka Chineke.” (Rom 1:11, 12) Olee otú onyinye ahụ ga-esi baara anyị ezigbo uru?

Jiri ihe ndị ị na-ekwu na-agba ndị ọzọ ume. Dị ka ihe atụ, ị zawa ajụjụ n’ọmụmụ ihe, kpachara anya ka ihe ị ga-ekwu ghara ịbụ naanị gbasara onwe gị, kama ka ọ bụrụ gbasara Jehova, Baịbụl, nakwa ụmụnna gị. Gị na ụmụnna gị kparịtawa, na-ekwu gbasara ihe ndị ga-agba ha ume.

Jiri ihe ndị ị na-eme na-agba ndị ọzọ ume. Dị ka ihe atụ, o nwere ike ịbụ na ị kwụsịghị ije ozi oge niile n’agbanyeghị na ọ dịghịrị gị mfe ma ọ bụkwanụ na ị na-abịachi ọmụmụ ihe etiti izu anya n’agbanyeghị na ahụ́ adịghị gị ma ọ bụ na ọrụ gị na-eme ka ike na-agwụ gị. Ihe a nwere ike ịgba ụmụnna gị ume.

Ihe ndị ị na-ekwu na ihe ndị ị na-eme hà na-agba ụmụnna gị ume? Ụmụnna gị kwuo ma ọ bụ mee ihe ga-agba gị ume, ị̀ na-achọpụta ya?