Ịma Ọkwa

◼ Akwụkwọ a ga-enyefe na December: Nwoke Kasị Ukwuu nke Dịworo Ndụ. Ọ bụrụ na ndị nwe ụlọ nwere ụmụaka, nye ha akwụkwọ Mụta Ihe Site n’Aka Onye Ozizi Ukwu Ahụ. January: Gịnị n’Ezie Ka Bible Na-akụzi? Ọ bụrụ na ndị nwe ụlọ nwere akwụkwọ a, ndị nkwusa nwere ike inye ha akwụkwọ ọ bụla merela ochie e nwere n’ọgbakọ. Ma ọ bụkwanụ, nyefee ha Fee Onye Nanị Ya Bụ Ezi Chineke ahụ Ofufe. February: E nwere ike inyefe Isi Ihe Na-akpata Obi Ụtọ Ezinụlọ ma ọ bụ Fee Onye Nanị Ya Bụ Ezi Chineke ahụ Ofufe. March: Gịnị n’Ezie Ka Bible Na-akụzi? Ndị nkwusa kwesịrị ịgbalịsi ike ịmalitere onye ha nyefere akwụkwọ a ọmụmụ Baịbụl ma ọ bụ malitere ndị nweburu akwụkwọ a ọmụmụ Baịbụl.

◼ Ụbọchị a ga-echeta ọnwụ Jizọs n’afọ 2011 ga-abụ na Sunday, April 17, mgbe anyanwụ dachara. Ihe mere e ji maa ọkwa a n’oge bụ ka ụmụnna nwee ike ịmalite mewe ndokwa maka ebe ha ga-anọ echeta ọnwụ Jizọs, nke ka nke, ma ọ bụrụ na ọtụtụ ọgbakọ na-eji otu Ụlọ Nzukọ Alaeze amụ ihe, ya adịkwa mkpa na a ga-achọta ebe ọzọ.

◼ N’oge na-adịghị anya, a ga-amalite isi n’aka ọgbakọ a na-esi n’aka ya atụ ọda akwụkwọ zitere ọgbakọ ọ bụla akwụkwọ ha ga-eji akpọ ndị mmadụ òkù maka icheta ọnwụ Jizọs n’afọ 2010. Ọ bụrụ na e nwere asụsụ ọzọ a na-asụ n’ókèala ọgbakọ unu, ya abụrụkwa na unu ga-achọ ka e zitere unu akwụkwọ ịkpọ òkù n’asụsụ ahụ, unu kwesịrị iji Literature Request Form (S-14) tụọ ọda ya ngwa ngwa o kwere mee. E nwere akwụkwọ ịkpọ òkù ahụ n’asụsụ Efịk, Bekee, French, Hausa, Igbo, Isoko, Tiv na Yoruba.