Pran tan pou w aprann konn Bondye

Lè w pran tan pou w aprann konn Bondye, sa ap fè w viv pi byen, paske lè w fè sa, w ap montre ou pran konsyans ou bezwen Bondye. Gade sa Jezi te anseye sou sa.

Sa Jezi te di

“Byennere moun ki pran konsyans yo bezwen Bondye.” — Matye 5:3.

• Nou tout ta renmen jwenn repons pou kesyon tankou: Poukisa n ap viv? Poukisa gen tout soufrans sa yo? Ki sa k rive yon moun apre l fin mouri? Nou bezwen jwenn repons kesyon sa yo pou n ka gen vrè kè kontan an.

“Se pa manje sèlman moun bezwen pou yo viv, men yo bezwen tout pawòl ki soti nan bouch Jewovaa.” — Matye 4:4.

• Menm jan nou gen bezwen pou n manje, se konsa tou, nou gen bezwen jwenn repons pou yon seri kesyon enpòtan k ap ede nou vin pwòch ak Bondye. Jezi te fè konnen aklè nou dwe toujou konte sou Bondye pou n jwenn sa n bezwen pou n vin pwòch avè l.

“Pawòl ou se laverite.” — Jan 17:17.

• Jezi te fè konnen pi bon fason pou n montre nou bezwen Bondye se lè n li Bib la, Pawòl Bondye a.

Pou w ka jwenn vrè kè kontan an, n ap ankouraje w pran tan aprann konn Bondye e gen yon bon relasyon avè l. Men kèk bagay k ap ede w:

• Li Bib la e w pap peye pou sa.

• Mande yon etid Labib gratis avèk èd yon anseyan.