Imajine istwa w ap li nan Bib la

Bib la gen anpil istwa ki gen leson enpòtan ladan yo. Lè n eseye imajine sa k te pase yo, nou ka vin pi byen konprann sa nou li e nou ka pi byen pwofite yo. Ann wè kèk bagay nou ka fè ki kapab ede n imajine istwa n ap li nan Bib la.

• Li awotvwa. Lè w li Bib la awotvwa, sa ka ede w pi byen imajine sa k ap pase yo. Lè w ap li Bib la ansanm ak fanmi w, ou ka fè sa w ap li a vin pi enteresan lè w bay chak moun li pawòl yon moun ki nan istwa a te di.

• Imajine sa k te pase. Chèche konprann sa moun ki nan istwa a panse ak sa yo santi. Pa egzanp, mande tèt ou: ‘Poukisa moun nan te pale oswa l te aji konsa? Ki sa m t ap panse oswa ki sa m t ap santi si m te nan sitiyasyon sa a?’

• Fè yon desen. Lè w desine yon seri istwa ki nan Bib la sa ka ede w pi byen imajine sa k te pase a epi sonje l, menmsi w pa fò nan fè desen.